​Vajálduvvon sápmelaččat

Ruŋgu-nieida Inga Fossli ovddasta Sámaálbmot bellodaga Lulli-Norgga válgabiirres. Ieš orru son Oslos dál, ja nu leat gávpotsápmelaččat ja sin dilli juoga maid Inga háliida ovddidit.

14:29 Suoidnemánu 31. beaivi 2017
Ođastuvvon: 31.07.2017 - 14:46

Inga earret eará imaštallá manne su válgabiirres ii gávdno guovllukantuvra, go dat gávdnojit buot eará válgabiirriin.

Lulli-Norggas ja gávpogiin leat olu sápmelaččat geat lea vajálduvvon, oaivvilda Inga, geat leat fárren eret sámi čoahkkebáikkiin.

Sin háliida Inga oažžut fas oidnosii.

 

Mediaovttasbargu

 

NRK Sápmi ja Ávvir leat ásahan doaimmahuslaš ovttasbarggu gos earret eará nuorra journalisttat jearahit nuorra politihkkárkandidáhtaid.

Mii leat humadan kandidáhtaiguin geat čavčča rájes sáhttet leat mielde váikkuheamen sámepolitihka.

 

Geahča maid: Dovdá go Sandra Borch iežas sápmelažžan?

Geahča maid: Vuosttaš ášši maid ovddidivččet sámediggepresideantan?

På forsiden nå