Almmuhus

Almmuhus

Báhčis jorret jurdagat duohkut deike, guolit ges čeahpit hállat

čájáhusgovva

Dán vahku horoskohpa guoska guovvamánu 11.-17. beivviide. 

Published date: 
Sotnabeaivi, 10 Guovvamánu, 2019 - 11:02
Tags: 
Fáddásánit: 

FIERCA

21/3-19/4

Dat fuomášumit mat fáhkkestaga fuobmájuvvojit sáhttet leat eahpečielgasat, muhto dan seammás hutkát, čális bajás daid vai muittát dan maŋŋá.

Dál geavahat eanet fámuid ruhtadillái ja riggodahkii.

Dan oktavuođas sáhttet áššit geavvat johtilit, ja ballu lea čuovvulit daid.

Muhtin doaimmat mat leat organisašuvnnas dahje joavk­kus fáhkkestaga heammástuhttet vuorddekeahttá, soaitá don fertet smieht­tagoahtit ođđa, eahpedábálaš vugiid.

 

VUOKSÁ

20/4-21/5

Ođđa olbmot bohtet fáhk­kestaga du eallimii, dan seammás go fápmoplanehta addá eanet fámuid.

Das sáhttá gártat ođđa ustit­vuohta, muhto lea vejolaš ahte riiddut maid čuožžilit jus leat boasttuáddejumit.

Danin ferte dus leat gierdevašvuohta dál olbmuide.

Daid ođđa olbmuid, geaiguin dál deaivvadat, lea vejolaš sii leat buorit ustibat dus maŋit áiggis ja sii maid addet vuoiŋŋalaš fámuid mii dutnje sáhttá leat ávkin maŋit áiggis.

 

JUMEŽAT

21/5-21/6

Dál deaivvadat olbmuiguin buriin ja geasuheaddji mielain.

Muhto sáhttá šaddat eanet lagat gaskavuohta muhtin eará olbmuin, dahje geahčat eará láhkai earáid oaiviliid.

Dat guoská maiddái seksualitehtii ja intima gaskavuođaide.

Eahpeluohttámuš ja balahahkesvuohta givssida, vaikke ii geava mihkkege duohtavuođas, bargga vehá liiggás oažžun dihtii eret daid givssi­deaddji jurdagiid.

 

REABBÁ

22/6-22/7

Dál lea vuogas áigi dikšut dearvvašvuođa ja fámuid čohkket, ­muhto dattetge lea álki gal lossut. 

Daid dovdduid maid vuorddát muhtin earás, dat leat viehka čihkosis, muhto eai leat dattetge dan láhkai ahte eai gávdno.

Dus lea nu álki boastut dulkot earáid dovdduid, nu ahte divtte buoremus láhkái dan orrut ja geahča baicce ovddos guvlui. Don boktojuvvot dál eará jurdagiidda, mat orrot apmasa, muhto dat lea veara guldalit daid liikká.

 

LEDJON

23/7-22/8

Juohkebeaivválaš geatnegas­vuođat ja rutiinnat gáibidit dál liige áicilvuođa, lea dehálaš ahte it badjelgeahča daid smávva detáljaid.

Dat guoská maid dearvvašvuhtii, nu ahte fertet leat liige šiega iežainis.

Gamus dovddat ahte dás lea juoga maid it dieđe ja danin ozat ge čiekŋalut ja rievttes gažaldagaid.

Juoga vuorddekeahttá geavvá fáhkkestaga muhtin gaskavuhtii dahje ođđa birrasii.

 

BUHTISNIEIDA

23/8-22/9

Ruovttus dahje bearrašis čielggaduvvo dál juoga, ja das maŋŋá leage ráfi ja ovdáneapmi.

Vahk­ku álgá vuorddekeahtes deaivvademiin, das fuomášat ge ahte su gean jáhkket dovdat, lea earáhuvvan.

Muhtin bargoustit čalmmustahttá iežas loahppavahkus ja don fertet ge čorvviid čájehit amas it badjelgehččojuvvot.

Dát guoská muhtin gilvogaskavuhtii masa goalmmát lea seaguhuvvon.

 

VIEHKAT

23/9-22/10

Ruovttus dohppet bargguid ja hástalusaid duođaleab­bon go maid ba dárbbašat ge, ja guovdi­lasttát maid badjelmearálaččat muhtin ášši nu ahte eará čovdosat jávket.

Lea dárbu vehá bottoža váldit vai dili oaidni­goađát riekta.

Dus orru maid dárbu dál viiddidit birrasa, ja leage dál erenoamáš vuogas áigi ođđa fáttáide čiekŋudit dahje álgit muhtinlágan viidásat ohppui.

 

SKORPIUVDNA

23/10-21/11

Lihkkoplanehta váikkuha dasa mo don smiehtat ruhtadili.

Lea vejolaš ahte vuoittát, muhto sáhtát maiddái leat váraheapme.

Álgovahkus ihtá romantihka dáfus juoga vuorddekeahttá.

Unnimus láhkái vuosttaldit lea buot álkimus, muhto das sáhttá boađus leat ahte mávssahuvvot.

Muđui leat hutkái ja gilvovuoigŋa eallá, muhto suhttu lea dattetge njunis njálbmái.

 

BÁHČČI

22/11-21/12

Nu johtilit dohppet badje­lasat menddo ollu, ja jurdagat jorret duohkut deike.

Don maid álkit árvvoštalat badjelmeare iežat návccaid.

Muhto lihkkoplanehta lea doaimmas, ja danin leat ge duostilis ja viidáneaddji áigodagas, ja dohppet ođđa prošeavttaid ja dahje njuiket suohtastallamiidda.

Dál nákcet ge eatnaša, muhto ruhtadilli caggá. Váldde dan duođas, vai it vajálduhte maidige ja dainna imaštallagoađe.

 

BÁKTEBOHKKÁ

22/12-19/1

Álgovahkkus ribahat mend­do ollu hállat, dan seammás maid gulahalat bures ja álkit, smiehtas fal ovdal go dajat smiehtakeahttá oaivviliiddát.

Ođđa oahpásnuvvan movttiidahttá, muhto jus válljet vuos geatnegas­vuođaid bargat ovddemuš, de sáhtát massit buori ustitvuođa.

Dus lea positiiv­valaš ja erotihkalaš geasuheapmi maid sihke guoibmi ja ođđa ustibat vávjet. 

 

ČÁHCEOLMMÁI

20/1-18/2

Ruovttus dahje bearrašoktavuođas leat eanet mášo­heapme dál go muđui, ja danin dohppet buot nu johtilit ja leat badjelmearálaš.

Don vásihat ođđa álggu dál go beaivváš lea dál dán násttis, erenoamážit jus lea riegádanbeaivi dán vahkus, ja dál leage vuogas áigi geargat muhtin áššiin ja geahččagoahtit ovddos guvlui.

Ođđa mokta moriha muhtin gaskavuođas, muhto vuosttažettiin lea dárbu čielggadit juoga mii lea badjelgehččojuvvon.

 

GUOLIT

19/2-20/3

Dus lea hállu buot nu johtilit bargat, ja danin ii šatta ge dat bures smihttojuvvot nu mo livččii dárbu.

Fertet vuoruhit alccet liige jurddašanbottu ovdal go dehálaš mearrádusat dahkkojit.

Dál lea vuogas áigi geahč­čat ovddos guvlui ja árvvoštallat barggu ja karrieara.

Daid oainnát dál ođđa čalmmiiguin, ja dus lea iešdovdu dan muttus buorre ahte it dohppe dan vuosttas ja buoremus fálaldaga.

Dan seammás leat čeahppi hállat iežat ovddas ja gaskkustat maid oaivviliiddát.

På forsiden nå