Almmuhus

Almmuhus

Unnit bohccot vuddjojit 

Badjel čuođi bohcco vuddjojedje Helgelánddas moatti beaivvis 2017 skábman. Dan rájes lea lohku njiedjan. Diibmá vuddjojedje oktiibuot 398 bohcco Norgga togaide, dat lea moadde čuođi unnit go ovddit jagi. Govven: John Erling Utsi/NTB Scanpix

Norgga ruovdemáđijaid alde eai vuddjon seamma olu bohccot diibmá go ovddit jagi. 

Published date: 
Gaskavahkku, 9 Ođđajagimánu, 2019 - 11:20
Fáddásánit: 

Diibmá vuddjojedje oktiibuot 398 bohcco togii.

Dat mearkkaša ahte lohku lea njiedjan mottiin čuđiin bohccuin, 2017:s oainnat vuddjojedje 612 bohcco Norgga ruovdemáđija alde. 

– Lea illudahtti go lohku njiedjá. Unnit bohccot vuddjojit sihke eastadandoaimmaid ja luondduvariašuvnnaid geažil, dadjá Bane NOR guovlludirektevra Thor Brækkan NTB ođasdoaimmahahkii. 

Erenomáš olu bohccot leat maŋimuš jagiid vuddjon Nordlánddamáđijas, ja doppe leat vuojahallamat njiedjan birrasii 40 proseanttain.

Diibmá vuddjojedje 350 bohcco ja 2017:s ges 566 bohcco. 

 

Bohtosat 

Vaikke dálki, muohtahivvodat ja guohtumat dagahedje ahte unnit bohccot vuddjoje 2018:s, de oaivvilda Brækkan ahte dál oidnet maiddái doaibmabijuid bohtosiid. 

– Jus geahčada statistihka, de vuddjojedje Nordlánddamáđijas 63 bohcco 2018 maŋimuš áigodaga. Seamma áigodagas 2017:s ges vuddjojedje 415 bohcco. Čakčat ja dálvet vuddjojit eanemus bohccot, lohká son. 

(©NTB)

 

På forsiden nå