Almmuhus

Almmuhus

Miljon­bealis ekonomalaš hástalusat

Ii buohkain leat nu buorre ruhtadilli ja ođđa raportas čájehuvvo ge ahte miljonbealis leat ekonomalaš hástalusat Norggas. Čájáhusgovva: Scanpix

500. 000 norgalačča ellet ekonomalaš hástalusaiguin, čájeha Norgga bargo- ja čálgoetáhta (NAV) ođđa raporta.

Published date: 
Duorastat, 8 Skábmamánu, 2018 - 14:26
Fáddásánit: 

Sisafárrejeaddji mánnábearrašiin, oktofuolaheddjiin ja nuorra ollesolbmuin leat stuorámus ekonomalaš váttisvuođat.   

Diibmá juolluduvvui sosiála veahkki 1,7 proseantta Norgga ássiide, badjel bealli dán veahkis máksui sisafárrejeddjiide.

Bearrašiin main lea Norgga duogáš maid lassánit ekonomalaš hástalusat, ja dat váikkuha erenomážit mánáide geat eai beasa searvat seamma doaimmaide go earát.

Nuorra ollesolbmot fas bártidit dávjjimusat ekonomalaččat jus eai leat čađahan joatkkaskuvlaoahpu, dalle sáhttá hástaleaddji gávdnat barggu. 

«Unnán dienas ja eallindilli Norggas» nammasaš raporttas konkluderejuvvo ahte Norga gullá daid riikkaid searvái gos leat unnimus erohusat olbmuid gaskkas, muhto dienaserohusat leat lassánan 2009 rájes, čállá NTB.  

På forsiden nå