Almmuhus

Almmuhus

Bákte­bohkká ferte váruhit sáddemis suhtus dieđuid, ledjonis ges vuordde­keahtes roman­tihkka

Čájáhusgovva

Dát horoskohpa guoská skábmamánu 12. beaivvis, gitta 18. beaivái.

Published date: 
Sotnabeaivi, 11 Skábmamánu, 2018 - 11:53
Updated at: 
Ođastuvvon: 12.11.2018 - 10:30
Tags: 
Fáddásánit: 

FIERCA

21/3-19/4

Don leat šiega ja olmmošaddjái, muhto váibadahtát iežat go buohkaid áiggošit duhtadit.

Jus leat menddo áŋgir eallit nu mo earát vurdet dus, de massát vejolašvuođa dovddahit ahte dus lea alddis ollu bargu.

Muhtin fuomášuhttá dutnje ođđa jurdagiid mat boktet sáhkkiivuođa áŋgiruššat ovddos guvlui.

 

VUOKSÁ

20/4-21/5

Fáhkkestaga fuobmát ahte galggat čiekŋalabbot ohcat dahje jearahit daid rievttes gažaldagaid.

Nie sáhtát fuobmát juoga mii ii lean eaktuduvvon ja das oaččut ođđa dieđuid birrasa birra masa leat áŋgiruššan.

Konstruktiivvalaš deaivvadeapmi lea muhtimiin, muhto ale bija iežat nu bajás ahte it gille áŋgiruššat.

Soaittát garvit vel muhtin dili go balat beahtahallamis.

Dás lea boađus massit muhtin vejolašvuođa.

 

JUMEŽAT

21/5-21/6

Ovttasbargoguoibmi dahje bargoustit seaguhuvvo garrasit áššái.

Don dovddat gilvovuoiŋŋa ja gaccaid čájehat vai it dulbmojuvvo.

Muhto don leat duhkoraddalas ja sosiála, ja vahkkoloahpas lea vejolašvuohta vel irggástallan.

Muhtin deaivvadeapmi dagaha ahte oaččut eará oainnu sus gii dutnje lea lagaš, dahje deaividat hástalusa, nu ahte bággehalat smiehttat áibbas earáláhkai.

 

REABBÁ

22/6-22/7

Dus leat ollu maid galggašit bargat, muhto sáhtát maid­dái álkit doaimmahit máŋga ášši oktanaga.

Hástalus lea vehážiid mielde bargat, ii ge buot oktanaga coggat oaivái.

Juoga ođđa dahje maid it lean oaidnán, bággeha du ođđasit oaidnit barggu dahje smiehttat ođđa geainnuid.

Vahku loah­pas áŋgirušat garraseappot ja bijat návccaid sajáiduvvat ja čalmmustahttit iežat, muhto várut ahte it menddo sakka ­loktan.

 

LEDJON

23/7-22/8

Romantihka dáfus ihtet vuorddekeahtes áššit fáhkkestaga.

Vehá vuostemielain de giktaluvvot, muhto smiehtas daid váikkuhusaid.

Dál leat hutkái, dan seammás go lea dat dárbbašlaš iešdovdu maid dárbbašat ođđa áššiid álggahit, ja dat mokta mii dus lea, giktala earáid maid áŋgiruššat.

Heivet leavttu dilálašvuhtii, vai it hága menddo ollu, badjelmearálaččat.

 

BUHTISNIEIDA

23/8-22/9

Don njuikkut ovtta nuppi doaimmas nubbái, muhto it mainna ge geargga ollásit.

Danin go leat mášo­heapme ja dovddat daid geaiguin deaivvavat, leat njoazit ja barget du vuostá, de fertet leat diplomáhtalaš.

Johtilit mearrádus váikkuha ruktui.

Don fertet bealuštit oaiviliid mat rihkkot bearraša čálekeahtes lágaid ja njuolggadusaid.

 

VIEHKAT

23/9-22/10

Dus lea dál positiivvalaš ja erotihkalaš geasuheapmi maid guoibmi dan seammás vávjá, dahje dat sáhttet rahpat gelddolaš deaivva­demiid ja oktavuođaid.

Muhto lea álki maid ribahit hállat ja buktit cealkámušaid main ii leat oppalašgovva ge.

Jus earduduvvot masage ja lea miella sáddestit e-poastta ja dadjat duohtavuođa ja vel eambbo, de fertet smiehtastit máŋgii ovdal go dan dagat.

Dat sáhttá álggahit eanet go maid háliidat.

 

SKORPIUVDNA

23/10-21/11

Beaivváš dán násttis dagaha ahte dus lea sihke álggahanmokta ja bargomokta, muhto sáhtát maiddái iežat geainnuid mannat itge beroš earáid ráđiid.

Dalle sáhtát massit dan dárbbašlas doarjaga maid dárbbašat.

Soaitá dus lea vuoitolihkku maid dán vahkus.

Sivva dasa lea ahte geahčat ođđa vejolašvuođaid, dan seammás leat movttet ja šattat duostil dohppet riskkaid.

Muhto sáhttá maid leat váralaš menddo olu áŋgiruššat ja oastit čalmmeheamet.

 

BÁHČČI

22/11-21/12

Bearraša gaskkas dahje ruovttus šattat dál gieđahallat juoga vuorddekeahttá, ja dat gábidida sihke návccaid ja searaid.

Dat sáhttá leat vaikke ruovttu ođasmahttin dahje fárren, ja dasa lea álki movttiidit ja dohppet eanet bargguid go leat plánen.

Juoga vuorddekeahtes dahká ahte fertet geahččagoahtit gaskavuođa nubbái, soaitá guoibmái, eará čalmmiiguin.

Soaitá don fertet rievdadit plánaid dahje bargat muhtin prošeavtta earáláhkái.

 

BÁKTEBOHKKÁ

22/12-19/1

Dál anát iežat ja earáid menddo duođalažžan, ja álki lea áššiid áddet vearrámusat.

Danin galggat luoitilit olggiid ja moddját ovdal go hárdašuvvat buriin leaikkastallamiin.

Vahkkoloahpas áŋgirušat vaikke mainna oktanaga ja šattat suhtahkes ja stađu­heapme.

Don leat johtil dadjalastit ja sáhtát vel dadjalit juoga maid gáđat maŋŋá, lohkal baicce logi rádjái ja smiehtas ovdal go makkár ge suhtus e-poasttaid sáddet.

 

ČÁHCEOLMMÁI

20/1-18/2

Vahkkoloahpas lea ruhta­dilli guovddážis.

Don sáhtát garvit riiddu jus it gávppas smiehtakeahttá.

Muhtin joavkkus gos áŋgirušat vásihat fáhkkestaga vuorddekeahtes smiehtta­mušaid, ja das movttiidat smiehttagoahtit ođđa geainnuid dahje áŋgiruššat eará guovllus.

Dál lea dat áigi hui vuogas jus áiggut viiddidit fieskki ja oasálastit muhtin birrasis maid álo leat geahččan bajás.

 

GUOLIT

19/2-20/3

Dál lea vejolašvuohta ahte ovddiduvvot bargosajis dahje jo molssut bargosaji.

Boahtte mánuide váikkuha lihkkoplanehta sihke iežas duohtandahkamii ja karrierii, ja das oainnát dili eará čalmmiiguin.

Dus lea dárbbašlaš mokta ja iešdovdu  árvvoštallagoahtit gokko leat nanus ja maid lea vejolaš eret cealkit vai olahat juoga mii lea buoret.

Vahkkoloahpas šattat eanet vuovdnájin, ale divtte dan stivret du.

På forsiden nå