Almmuhus

Almmuhus

Behtolaš buollin­bearrái­geahččit bahkkejit viesuide

Jus muhtin dahje muhtimat bahkkejit ráisalaččaid viesuide dárkkistit buollinsihkarvuođa, de ávžžuha suohkan biehttalit dán. Guovllus vánddardit oainnat behtolaš buollinbearráigeahččit. Čájáhusgovva: Terje Bendiksby / Scanpix

Báikkálaččat ávžžuhuvvojit gevret behtolaš buollinbearráigehččiid ja váldit oktavuođa politiijaiguin jus lea dárbbašlaš. 

Published date: 
Maŋŋebárga, 6 Skábmamánu, 2018 - 15:36
Fáddásánit: 

Ráissa suohkan lea ožžon dieđu ássiin ahte behtolaš buollinbearráigeahččit bahkkejit sin viesuide. 

– Sii uhkidit ja bahkkejit olbmuid viesuide. Behtolaš buollinbearráigeahččit vudjet stuora vilges gálvobiillain mas lea rukses čálus, čállá suohkan neahttasiiddustis. 

 

Váruhit olbmuid

Ráissa suohkan ávžžuha báikkálaččaid biehttalit bearráigeahču ja váldit oktavuođa politiijaiguin jus lea dárbu. 

– Davvi-Romssa buollindoaimmahat šiehttá álo bearráigeahču ovdagiitii ja buollinbearráigeahččit duođaštit iežaset identitehta báhpáriid bokte, dieđihit Ráissa suohkanis. 

På forsiden nå