Almmuhus

Almmuhus

Vuittiiga fylkka kulturbálkkašumi

VUOGAS OVDDASTEADDJIT: Duo Máret lea ánssášan dán go buktet buori gova Finnmárkkus ja sámi musihkkaárbevieruin, cealká Fylkka váldolávdegoddi. Govva: Oddgeir Isaksen.

Duo Máret, dahje Marit Hætta Øverli ja Klemet Anders Buljo vuittiiga fylkkakulturbálkkašumi 2018, go leaba bures ovddastan fylkka ja buktán buori beaggima Finnmárkui.

Published date: 
Gaskavahkku, 10 Golggotmánu, 2018 - 10:29
Updated at: 
Ođastuvvon: 10.10.2018 - 10:33
Fáddásánit: 

Finnmárkku fylkkakulturbálkkašupmi juhkko oktii jahkái, ja dán jagi vuittiiga mázelaččat geat dál orruba Álttás, Marit Hætta Øverli ja Klemet Anders Buljo dán bálkkašumi. 

Dát ledje evttohuvvon:

Ebba Joks/Deanu kulturskuvla

Duo Máret/Marit Hætta Øverli ja Klemet Anders Buljo

Sørøyrocken

Arvid Petterson

Dáiddadállu

Máret Sárá

Kjell Magne Stålsett

Nordvågen Skole og Ungdomskorps/Dan Oliver Wasa

Honningsvåg Blandakor

Jorid Jacobsen

Vadsø Jazzklubb/Varangerfestivalen

Roger Albrigtsen

Gamle Mårøy venneforening

Elle Márjá Eira

Samovarteateret/Bente Andersen

Anne Therese Eriksen

Hámmárfeastta kulturskuvla/Liisa Tuomaala

Biret Elle Láilá/Laila Somby Sandvik

Fylkkasuohkana kultur-, álbmotdearvvašvuođa- ja johtolaga váldolávdegoddi (HUKFS) mearridii čoahkkimis disdaga golggotmánu 9.beaivvi dán. 

– Øverli ja Buljo leaba guhkes musihkkakarrieara bokte leamaš dehálaš ovddasteaddjit Finnmárkui ja sámi kultuvrii. Duo Máret joavkku bokte, muitaleaba soai muitalusaid oktan geasuheaddji folk-pop lávlagiiguin ja luđiin, čállet sii preassadieđáhusas. 

 

Buorideaba beaggima 

Lávdegoddi maid čállá soai duddjoba buori sága Finnmárkku birra. 

 –  Duo Máret lea iežas čielga musihkkavuogi ja erenoamáš ovdanbuktinnávccaiguin buktán buori beaggima Finnmárkku kultuvrra birra obbalaččat, ja erenoamážit sámi musihkkaárbevieru birra, dadjá váldolávdegotti jođiheaddji Geir Ove Bakken. 

 

30 000 ruvnno

Bálkkašupmi lea 30 000 ruvnno ja juhkko golggotmánu 17 beaivvi Čáhcesullos. Ledje oktiibuot 18 evttohasa dán jagáš bálkkašupmái.

På forsiden nå