Almmuhus

Almmuhus

Tor Asle oaččui álbmot­dearvvaš­vuođa bálkka­šumi

ÁŊGIRIS MOVTTIDEADDJI: Tor Asle Varsi Sirpmás. Vuorkágovva: Inga Marie Guttorm.

Rámiduvvo go áŋgirit lea lágidan mánáide čuoigamiid, ráhkadan čuoiganláhtuid ja dikšon vázzinbálgáid sirbmálaččaide.

Published date: 
Gaskavahkku, 10 Golggotmánu, 2018 - 10:32
Updated at: 
Ođastuvvon: 10.10.2018 - 10:36
Fáddásánit: 

Tor Asle Varsi oaččui Finnmárkku fylkkagieldda álbmotdearvvašvuođabálkkašumi 2018.

Varsi lea Sirpmá valáštallansearvvi čuoiganjoavkku jođiheaddji. 

Dát ledje árvaluvvon vuoitin:

1. Torfinn Vassvik, Gáŋgaviika

2. Tom Erik Olsen, Nordlysbyen Svømme- og Triatlonklubb

3. Norgga ástmá ja allergiijasearvi Gaska- Finnmárku Stuorasearvi (Porsáŋgu)

4. Tor Asle Varsi, Sirma IL

5. Romaniaveahkki, Gunnvor Kjeldsberg, Áltá

6. Kjerstin Møllebakken, Mátta-Várjjat  

– Olu jagiid lea son áimmahuššan vázzinbálgáid ja čuoiganláhtuid vai olbmot Sirpmás besset dain lášmmohallat. Lassin áddjás láhttobargguide, lea son áŋgirit ásahan ja jođihan mánáide ja nuoraide čuoiganhárjehallamiid. Varsi maid veahkehallá gili olbmuid go láve gilisearvvi bassinbarttas dolastallat, Suttesájajávrregáttis, vai čuigiide lea liegga barta go bohtet dohko. Ja go čuoiganláhtut leat gárvásat, de son dieđiha dan birra Sirpmá valáštallanjoavkku facebooksiiddus.

Nu čállet Finnmárkku fylkkagieldda neahttasiiddus.  

 

Bálkkašupmi lea 30.000 ruvnno ja juhkkojuvvo maid fylkkavisttis gaskavahku golggotmánu 17.beaivvi.

 

Ledje boahtán oktiibuot guhtta árvalusa dán bálkkašupmái.

 

 

På forsiden nå