Almmuhus

Almmuhus

Máŋgasis erotihkka vuordimis

Čájáhusgovva

Dát horoskohpa guoská golggotmánu 22.-28. beivviide.

Published date: 
Sotnabeaivi, 21 Golggotmánu, 2018 - 11:06
Tags: 
Fáddásánit: 

FIERCA

21/3-19/4

Jus sáhtát dohppet muhtin vejolašvuođa ja rievdadit iežat johtilit, de lea vejolašvuohta vuoitit ruđalaš vuoittu muhtin oahppása bokte.

Dát vejolašvuohta geavvá lagabui vahkkoloahpa, go oahpásnuvat lagabut muhtin boares oahppásiin ja das fuobmábeahtti oktasaš árvvuid.

Ustitbirrasis galggat várrugas ovddidit heajos oaiviliid main oaivvilduvvojit buori, nu ahte smiehtas ovdal go geange navdigoađát. 

 

VUOKSÁ

20/4-21/5

Dál lea vuogas áigi háleštit dan birra mii guhká lea givssidan.

Erotihkka ja romantihkka leat dál guovddážis, dát geažuhuvvo gaskavuhtii mii fas álggahuvvo dahje ustitvuhtii mii sáhttá ovdánit.

Dus lea ovdamunni ja sáhtát čalmmustahttit dan daid doaimmaid bokte, ja bidjat maiddái árvofámu ja duođalašvuođa daid doaimmaide.

Don leat maid gierdameahttun jus muhtin cuiggoda daid árvvuid.

Leat go son dat árvvut boarásnuvvan?

 

JUMEŽAT

21/5-21/6

Barggus dahje skuvllas oaččut áddejumi iežat evttohusaide ja oaččut maid daid čađahuvvot maid guhká leat čuoččuhan.

Dasa sáhttá leat sivva go it beroš bargoustit garvimiid ja soaittát vel bealuštit su dainna.

Don čuoččuhat iežat oaiviliid ja dainna dovddiidat iežat, muhto jus hárddát digaštallamiin earáid dušše digaštallama dihte, de dainna sáhtát massit muhtin ustit­vuođa.

 

REABBÁ

22/6-22/7

Dán vahkus lea hutkásvuohta guovddážis.

Dat sáhttá vaikke makkár dásis, nu mo bealddu čiŋahit ja maiddái dáiddalaš doaimmat.

Don oaččut ruđalaš vuoitovejolašvuođa, muhto dan sáhtát massit jus it leat mielas gaskaneassoahpamuššii.

Dás sáhtát čalmmástuvvat vuoigatvuođaide ja doarrut daid ovddas, muhto lea vuohkkasat leat diplomáhtalažžan ja addit, vai nuppi sajis fas olahat eará.

 

LEDJON

23/7-22/8

Ruovttus čoakkát návccaid ja hukset fámuid.

Vuhtto maid šaddamin ovttastallan, ja vahkkoloahpas oahpásnuvat ođđa olbmuiguin geaiguin čanat oktavuođaid mat sáhttet leat ávkin boahtteáigái.

Don válddát ieš oktavuođaid ja leat erotihkalaččat doaimmas, muhto sáhtát maid leat vuovdnái ja nággár.

Dan seammás suhtihat johtileappot go muđui lávet, de danin hárdašuvat ja gárttat riidduide.

 

BUHTISNIEIDA

23/8-22/9

Árgabeivviid doaimmahat vaikke maid, soaitá menddo johtilit, go johtilabbot šattat mášoheapmin go muđui.

Johtilit earduduvvot maid.

Divtte dan orrut.

Don sáhtát leat diplomáhtalaš ja ovddidit iežat almmá vuovdnáivuođain, muhto dadjalasttát eanet go maid áigot jurdilkeahttá.

Muhtin oappážaga dahje ustiba oainnát dál eará hámis ođđa guovllus ja danin fuomášat juoga man it diehtán.

 

VIEHKAT

23/9-22/10

Biergasat ja riggodat váldet eanet áiggi dus, ja ammahal dus lea maid ruđalaš lihkku.

Soaitá don fertet válljet gaskal oanehis áigge vuoittu dahje juoga mii guhkit áigái addá ovdamuniid.

Dát guoská várra dasa go lassána dárbu divrras biergasiidda dahje orru dárbu oastit juoga masa ii leat ráđđi.

Don fertet muddet iežat fáhkkestaga dárbbuid, go sáhtát vuoitit jus dál spealat riekta.

 

SKORPIUVDNA

23/10-21/11

Beaivvážiin lassánit fámut, ja dál dus dat álggahanmokta man dárbbašat.

Muhto dát iešdovdu sáhttá leat soarcái, jus doaimmahat čárvvu čalmmiid ja it ge doahttal birrasa.

Don maid namalassii álkit šattat impulsiivan ja hálat jurdilkeahttá.

Ruovttus leat badjelasat váldán menddo ollu doaimmaid, nu ahte ale sivat bearraša jus dovddat badjel­meare váiban.

 

BÁHČČI

22/11-21/12

Don dovddat iežat gohččojuvvon veahkehit muhtima gii dutnje lea hui lagaš ja dasa bijat ollu barggu ja návccaid.

Ruovttoluottamáksu ja giittus gal ii soaitte leat seamma maid don addet, muhto dat boahtá maŋŋá.

Šaddá hušas vahkku, jus livčče plánat de dainna vuoittážit.

Álkit ribahat hállat maid it galgga, erenoamážit jus hárdašuvat, nu ahte smiehtas ovdal go dadjalat áššiid mat sáhttet loavkašuhttit.

 

BÁKTEBOHKKÁ

22/12-19/1

Dál lea ruhtadilli guovddážis, ja váivašuvat dárbbaš­meahttumit.

Jus leat menddo várrugas, de sáhtát massis muhtin vejolašvuođa, muhto dieđus čuovvu das riska maid. 

Go áŋgirušat idealisttalaš oktavuođas, doppe oaččut rámi ja dan maiddái lagaš skihpáriin.

Dál lea vuogas áigi viiddidit fieskki ja ovddidit ovttastallama earáiguin.

 

ČÁHCEOLMMÁI

20/1-18/2

Dál leat duostil ja válddát ovddasvástádusa, muhto johtilit maid hárdašuvat, smiehtas maid dajat jus dovddat dulbmojuvvon ja doaimmat dan dađi mielde.

Juoga masa áŋgirušat, doppe oaččut positiiva dieđuid ruovttoluotta, ja dovddat iežat árvvu ahtanuššamin.

Soaitá don fertet álggahit fas ođđasit dan maid leat maŋidan, go dál lea dus buorredáhtolašvuohta ja dainna olahat ovdamuniid itge hárddil earáid dahje bovtte gáđašvuođa.

 

GUOLIT

19/2-20/3

Geatnegasvuođat dahje boares gáibádusat maiguin jurddašit leat geargan, fas čuožžilit, don fertet daiguin geargat ovdal go fas álggahat ođđa, vai dat eai muosehuhte šat.

Don rábmojuvvot iežat fuomášumiiguin dahje eallinvuogi jurdagiin, ja dainna oaččut maid impulssaid mat dolvot du viidáseappot.

Lea vejolaš ahte muhtin ustitvuohta ovdána, go dudnos lea ­juoga oktasaš dahje guktuin lea seamma ­jáhkku.

På forsiden nå