Almmuhus

Almmuhus

Vuolle­ahkásaččat feasttas

Ávvir vuorkágovva.

Finnmárkku politiijaguovddáš dieđiha Twitteris mannan ija dáhpáhusaid, gos  vuolleahkásaččat šadde maid loahpahit muhtin feasta.

Published date: 
Sotnabeaivi, 19 Borgemánu, 2018 - 11:01
Updated at: 
Ođastuvvon: 21.08.2018 - 11:04
Fáddásánit: 

Politiijat Álttás šadde vuolgit muhtin dállui guovtti áigge mannan ija. Kránnját dieđihedje rikkeara ja eai ge bállen nohkkat dan geažil. Politiijat dáhtto dálueaiggáda jaskkodahttit ja loahpahit feastta.

Vehá maŋŋelaš seamma áigge šadde maid politiijat heaittihit muhtin feasta muhtin dálus Álttás, gos ledje máŋga vuolleahkásačča. Okta sis fallehii politiija. Politiijat váidet ášši.

Golmma áigge ihkku fas  dolvo Álttá politiijat ruoktot muhtin juhkan olbmo gii lei Álttá guovddážis.

 

Biddjui butkái

Hámmárfeasttas biddjui muhtin nisu 40 jagiin butkái go lei menddo sakka juhkan ja ráfehuhtii earáid.

Hámmárfeasttas gohččojuvvui maid muhtin almmái 40 jagiin eret gávpotguovddážis go muosehuhtii earáid doppe.

Hámmárfeasttas maid dieđihuvvui ahte lei badjelmeare juhkan olmmoš gávpotguovddážis, go politiijat bohte báikái lei almmái jo jávkan doppe eret.

Kirkonjárggas fas dieđihii muhtin almmái politiijaide ahte muhtin oaguha su ja áiggošii su sealgádit. Politiijat fitne báikkis jaskkodahttimin dili.

På forsiden nå