Almmuhus

Almmuhus

Eai šat seamma olu bargo­ohccit Finn­márkkus 

Čájáhusgovva: Tord Åke Larsson

Dán geassemánu loahpas ledje 141 unnit bargoohcci Finnmárkkus go seamma áiggi diibmá. Nu vuollin ii leat dat lohku leamaš ovdal.

Published date: 
Maŋŋebárga, 3 Suoidnemánu, 2018 - 14:18
Fáddásánit: 

Dál leat unnit bargoohccit, geat leat oalát barggu haga, Finnmárkkus. 1080 olbmo ledje geassemánu loahpas dieđihuvvon áibbas barggu haga, ja bargoohccin. 

Dat lea 141 unnit go seamma áiggi diibmá, ja dat lea 2,7 proseantta bargoveagas.

Ná unnán bargguhisvuođa ii leat leamaš geassemánus ovdal, go geahččá buot statistihka mii gávdno dán birra. Statistihkka lea 2003 rájes. 

Muđui riikkas lea 2,3 proseantta bargguhisvuođa. Dan dieđiha NAV Finnmárku preassadieđáhusas.

 

Njiedjá

Buot ahkejoavkkuin njiedjá bargguhisvuohta, earret sis geat leat badjel 60 jagi boarrásat. 

Dán joavkkus lassánii logiin proseanttain. 

Dievdduin lea njiedjan 826 olbmos diibmá, 708 olbmui dán jagi.

Dál leat 372 nissonolbmo dieđihuvvon áibbas barggu haga, diibmá seamma áiggi ledje 395.

148 olbmo fylkkas leat dieđihuvvon permitterejuvvon, ollesáiggi dahje oasseáiggi. Dat lea guhtta unnit go diibmá seamma áiggi. 

 

Joavkkuid mielde

Industriijabarggus ja huksen- ja rusttetbarggus lea eanemus bargguhisvuođa, seammás go maiddái dat logut njidjet diimmážis. 

Eanandoalus, vuovdedoalus ja guolásteamis lea bargguhisvuohta eanemus proseanttalaččat njiedjan. 82 proseantta leat dieđihuvvon barggu haga, ja dat lea 30 proseantta unnit go diibmá.

Oahpahussuorggis lea bargguhisvuođa eanemusat lassánan, 38 proseanttain. 

 

Rabas virggit

Dán suoidnemánu leat 377 rabas virggi dieđihuvvon Finnmárkkus. Eanemus virggit leat dearvvašvuođa- ja fuolahussuorggis (83 virggi) ja oahpahusas (57 virggi).

Ákŋoluovttas lea buot eanemus bargguhisvuođa, 6,7 proseantta. Dasto čuovvu Várggát 5,3 proseanttain. Unjárggas lea buot unnimus, 1,2 proseantta. Álttás lea nubbin unnimus,1,8 proseantta. 

På forsiden nå