Almmuhus

Almmuhus

Olmmái­vákki oaggun­festivála 25 jagi

GILVVUT: Olmmáivákki oaggunfestivála geasuha sihke finnmárkulaččaid ja davvi-romsalaččaid. Festiválas lágiduvvojit oaggungilvvut sihke mánáide ja ollesolbmuide.  ﷯Vuorkágovva: Elen Anne Merethe Eira

Boahtte vahkkus lági­duvvo Olmmáivákki oaggunfestivála 25. geardde, ja dan ávvudit stuora biilavuoittuin.

Published date: 
Bearjadat, 22 Geassemánu, 2018 - 11:31
Fáddásánit: 

Olmmáivákki oaggunfestivála vuovdá lottaid ovdagihtii ja dáhpin lea vuorbádit biilla.

– Dál, go oaggunfestivála ávvuda 25 jagi beaivvi, de lea vuoitun stuorát biila go ovddit jagiid. Váldo­vuoittuid searvvis lea maid fanas ja bassinbarta, lohká festiválajođiheaddji Helge Vatne. 

Olmmáivákki oaggunfestivála áigumuš lea vuovdit 6000 vuorbbi. Vuoittuid árvu lea oktiibuot 619 600 ruvnnu. Váldovuoitu lea ­Peugeot Allure biila man árvu lea 361 400 ruvnnu. 

 


BIILA: Diibmá vuittii Jenny Dalvik biilla. Juohke jagi vuovdá Olmmáivákki oaggunfestivála vurbbiid ja váldovuoitun láve biila. Dán jagi lea maiddái fanas ja bassinbarta vuoitun.
Govven: Catrine Vatne

Oaggungilvvut

Olmmáivákki oaggunfestivála lágiduvvo geassemánu 26. beaivvis suoidnemánu 1. beaivái Gáivuona suohkanis.

Gaskavahkku leat oaggungilvvut mánáid várás ja lávvardaga fas ollesolbmuide. 

– Oaggunfestivála galledit ­sihke davvi-romsalaččat ja finnmárkulaččat. Olmmáivággái bohtet ­sullii 1000 olbmo oaggunfestivála vahk­kus. Erenomáš olu guovdageaidnu­laččat čájehit beroštumi oaggunfestiválii ja sii ostet maid vurbbiid viššalit. Dávjjimusat vuitet davvi-­romsalaččat váldovuoittu, muhto maiddái Guovdageainnus leat fasken biilavuoittu, dadjá Vatne. 

 

Ruhtada valáštallama

Olmmáivákki nuoraid- ja valáštallansearvi lágida oaggunfestivála. 

– Oaggunfestivála lea hirbmat dehálaš valáštallansearvái go dat ruhtada doaimma olles jagi. Mánát ja nuorat besset valáštallat taekwondo, spábbačiekčama ja čuoigama. Dán dietnasa haga ii livčče valáštallansearvi birgen, dadjá Olmmáivákki oaggunfestivála jođiheaddji Helge Vatne. 


AKTIVITEHTAT: Olmmáivákki oaggunfestiválas ii leat dušše oaggun, lágideaddjit bovdejit maiddái eará aktivitehtaide. Earret eará lágiduvvojit meahcceviehkamat. Govven: Olmmáivákki oaggunfestivála

Eará aktivitehtat

Go lea valáštallansearvi mii lágida oaggunfestivála, de lea maiddái lunddolaš fállat eará aktivitehtaid mat hástalit olbmuid lihkadit. 

Maŋŋebárgga lágiduvvo spábbačiekčancupa mánáid várás ja buot ahkásaččaide lágiduvvo sihkkelastin duorastaga ja meahcce­viehkamat bearjadaga. Skáiddi­vázzimat fas loahpahit oaggun­festivála sotnabeaivvi. 

– Lea dehálaš fállat aktivitehtaid buot ahkásaččaide, ja vásihit ahte olbmot servet dáidda. Stuorámus hástalus oaggunfestivála okta­vuođas lea oažžut doarvái
eaktodáhtolaččaid. Olmmái­vággilaččat leat viššalat, muhto lea viehka olu bargu go lágida ná
stuora doaluid, lohká Vatne. 

Bearjadaga lágiduvvo maid biilabingo ja festiválafeasta.

Stand-up hervvoštalli Arnt Hjalmar ja Elvis boahtiba ja Hallvard Lyshaug ­guoimmuha musihkain.

Lávvardaga lea festiválafeasta Davvi Álbmo­giid guovddážis, Ottar «Big Hand» Johansen ja Casino Steel čuojaheaba. 

På forsiden nå