Almmuhus

Almmuhus

Fierccas menddo olu doaimmat, viehkagis ges ere­noamáš deaivva­deapmi vuordimis

Čájáhusgovva

Dát horoskohpa guoská geassemánu 11. beaivvis gitta 17. beaivái.

Published date: 
Sotnabeaivi, 10 Geassemánu, 2018 - 11:30
Tags: 
Fáddásánit: 

FIERCA

21/3-19/4

Dál leat dus menddo ollu doaimmat, ja šaddá váttisin earuhit dehálašvuođa suohttasis. 

Muhto dál leat hutkásáigodagas, ja vásihat eanet ráfi jus dušše ovtta áššái bijat návccaid ovdal go viehkat ja doaimmahit vaikke maid duoppil dáppil.

Loahppa vahkus beroštišgoađát eanet ruovttudilá­lašvuođas, ja oaidnigoađát dárbbu ráhkadit dahje hukset juoga.

 

VUOKSÁ

20/4-21/5

Barggus leat njuolggočoalat ja berošteaddji, dajat njuolgga maid oaivvildat ja oaivvildat maid dan.

Don olahat maid eanet jus it leat menddo njealječiegat.

Ruovttus vásihat ráfi.

Ruhtadiliin barggat dál eanet, soaitá don leat oaidnán liigedietnasii vejolašvuođa.

Dat sáhttá ain geavvat, muhto fertet čájehit gierdevašvuođa.

 

JUMEŽAT

21/5-21/6

Beaivváš, mii lea dál dán násttis, movttiidahttá ja doaimmat maid lassánit, iešdovdu badjána, ja oahpásnuvat ođđa olbmui­guin geat leat lunddolaččat olmmo­šaddját.

Muhto šattat maid eanet iešbuorren, ja danin leage álkit earáide dájuhit du jus áigot maidige olahit.

Okta daid hástalusain leage hilgut dan maid it dárbbaš šat, sihke dat mii guoská biergasiidda ja dovdduide.

Ruhtadilis smiehtat eanet praktihkalaččat ja bijat maiddái mihtuid.

 

REABBÁ

22/6-22/7

Don vásihat muhtima gáibideaddjin muhtin ovttas­barggus, dahje sáhtát maid leat ieš gáibideaddjin.

Gulahallamis lea ávki.

Juoga mii lea juo guhkit áigge cahkan čihkosis, dainna lea dál vuogas geargat, jus dat ii gierdda dattetge beaivečuovgga.

Dál dárbbašat oktoáiggi, beasat smiehtadit.

Ruhtadilli buorrána vehá, muhto muitte fal julggiid nannosit doallat eatnamis jus áiggut maidige oastit.

 

LEDJON

23/7-22/8

Dál dovddat ráfálašvuođa, leat šiega ja liekkusvuođain čuovggat, ja olbmot liikojit duinna ovttastallat.

Dan seammás dárbbašat ieš maid earáiguin ovttastallat ja ovttas doaimmahit ja juogadit daid árvvuid. 

Geahččal ahte dat eai beasa du badjel mearridit, go don leat dan seammás vuovdnái ja johtilit suhtihat jus deaividat vuostegieđageavvama.

Liigenávccaid sáhtát geavahit juoga suohttasii ruovttus.

 

BUHTISNIEIDA

23/8-22/9

Barggus dahje skuvllas leat guovddážis positiiva láhkai.

Muhto don sáhtát leat maid moarrái ja dadjalat vaikke it ba oaivvilge dan, ale fal bilit suhttamiin dan buori oktavuođa, vaikke  leage miella dadjalit.

Joavkooktavuođas addet muhtin doaimmat dutnje buriid bohtosiid, lea maid vejolaš ahte iešdáhtus barggat daid doaimmaid vai beasat dan jovkui vai oaččut ovdamuniid dahje rámiduvvot doppe.

 

VIEHKAT

23/9-22/10

Ođđa jurdagat giktalit gažadit dan birra maid don leat gáddán leat duohtan.

Gaskavahku, goas lea láđasmánnu, dalle deaivvadat muhtimiin gii buot geahččá earáláhkái.

Dus lea vejolašvuohta smiehttat mihtuidat birra, ja lagabuš vahkko­loahpa oainnát buot eará čalmmiiguin.

Galggat leat várrugas hállat sin birra geaiguin ovttastalat, go sii sáhttet dan gullat maŋŋá ja áddet boastut.

 

SKORPIUVDNA

23/10-21/11

Dus lea liigenávccat geahččat vejolašvuođaid máŋgga láhkái.

Dál boađát dan dillái goas oaččut bohtosiid das maid leat bargan iežat ovddidit.

Dus lea buorre­dáhtolašvuohta olahit juoga, ja dat biras rahpasa masa álo leat háliidan.

Ale fal vajálduhte earáid maid váldit vuhtii muhtin mearrádusas, go sii sáhttet álkit dovdat iežaset badjelgehččojuvvon dahje gáđaštišgohtet.

 

BÁHČČI

22/11-21/12

Don leat menddo johtil cuiggodit earáid ja duolmmastat maid sin, smiehtas ovdal go gean ge viggat čavget.

Boares oahpis fas gullogoahtá ja čájeha eará beliid alddis.

Dat mielddisbuktá ahte fertet smiehttat eará láhkai ja earáhuhttit dan mii ovdal dudnos lei ovttas.

Fuomášat maid ođđa árvvuid gaska­vuođas dahje botket muhtin rájáid.

Lea maid álki ribahit eanet hállat go lea dárbbašlaš.

 

BÁKTEBOHKKÁ

22/12-19/1

Olbmuiguin deaivvadat, geat leat šiega ja geat čájehit áddejumi ja das čanastuvvo luohttevašvuohta.

Dál lea vuogas áigi čatnat buriid oktavuođaid, sáhttá vaikke makkár, náittosdilis gitta gávpe­oktavuođaide.

Muhto de leat dan seammás menddo várrugas seaguhit iežat dasa, soaitá danin go balat dájuhuvvot.

Várrugasvuohta sáhttá heađuštit šaddi ustitvuođa.

 

ČÁHCEOLMMÁI

20/1-18/2

Dus leat dál ollu návccat maid bijat gudneáŋgirvuhtii, it ge dohkket  biehttaleami vástádussan.

Don leat hutkái ja dan ovttastat gilvovuoiŋŋain ja somás dovdduin.

Dan oktavuođas badjána hutkáivuohta ain eambbo, ja rámiduvvot dainna go leat ollu dovdduid bidjan dasa ja ulbmillaččat bargan dan guvlui.

Vahkkoloahpas rámiduvvot sus gean don anát oiddohin. 

 

GUOLIT

19/2-20/3

Dál oahpásnuvat buorebut bargoustibiiguin, muhto de ovttastalat menddo sakka ja dat sáhttá geavvat barggu ovdii.

It beroš nu ollu njuolggadusain ja leat eanet rabas ođđa fuomášumiide.

Ruovttus dahje bearrašis beasat dál háleštit dan barggu birra mainna leat álgán ja plánet boahtte lávkki.

Dát guoská ruktui, ávkkástallat ruovttu eanet dahje álggahit iežat fitnodaga.

På forsiden nå