Almmuhus

Almmuhus

Logi bearraša ja Sáminuorra váidán Eurohpáparlameantta ja Eurohpáráđi

VÁIDÁN: Sáminuorra searvi searvá logi bearraša váidagii váidit Eurohpá Uniovnna. Govva: «People’s Climate Case» neahttasiiddus.

Gávcci riikka bearraša leat váidán Eurohpá Uniovnna go lea boastut bargan sin suddjemis dálkkádatrievdama vuostá.

Published date: 
Bearjadat, 25 Miessemánu, 2018 - 16:45
Updated at: 
Ođastuvvon: 28.05.2018 - 11:17
Fáddásánit: 

Gáibádusas, mas lea namma «People’s Climate Case» (sierra neahttasiidui), lea vuosttaš dákkár málle ášši EU vuostá.

Leat bearrašat sihke Eurohpá ja olggobeale Eurohpá bearrašat geat leat váidán Eurohpáparlameantta ja Eurohpáráđi go dohkkehit nu ollu nuoskkideami 2030 rádjái, eai ge suddje ássiid olátkeahtes 2030 dálkkádatmihtuin.

 

Čuohcá sin eallimii

Bearrašat leat eret Portugálas, Duiskkas, Frankriikkas, Itálias, Romanias, Kenyas, Fijis ja oktan Ruoŧa sámi nuoraidservviin Sáminuorra.

Sii čuoččuhit ahte dálkkádatrievdamat čuhcet sin eallinláibái, ruktui, árbevirolaš bearašdoaimmaide ja kultuvrii.

 

– Eai oainne boahtteáiggi

Dál gáibidit ahte EU galgá cealkit movt sáhttet alidit daid mihtuid mat unnidit nuoskkideami vai suddje ássiid vuođđorivttiid EU ja internašunála lágaid mielde.

Sii sihtet duopmostuolu mearridit ahte dálkkádatrievdan lea olmmošvuoigatvuođa gažaldagaide gullevaš, ja ahte EU:s lea ovddasvástádus suddjet sin rivttiid, maiddái dálááiggi mánáid ja boahttevaš buolvvaid rivttiid.

– Jus mii massit min bohccuid, jávká sámi kultuvra. Ollu sámi nuorat háliidit leat sin bearrašiid luhtte ja bargat bohccuiguin, muhto sii eai oainne boahtteáiggi. Dálkkádatrievdan lea maid stuora oassi das, cealká Sáminuorra searvvi aiddo válljejuvvon jođiheaddji, Sanna Vannar, preassadieđáhusas man «Peoples Climate Case» lea almmuhan. 

 

 

 

 

På forsiden nå