Almmuhus

Almmuhus

Dá leat álbmot­jienasteami bohtosat

Fylkkasátnejođiheaddji Ragnhild Vassvik lei duđavaš álbmotjienasteami bohtosiiguin. Vuorkágovva: Silje Malene Varsi

Dál leat vuossárgga álbmotjienasteami bohtosat gárvásat.

Published date: 
Gaskavahkku, 16 Miessemánu, 2018 - 09:24
Updated at: 
Ođastuvvon: 16.05.2018 - 15:20
Fáddásánit: 

Finnmárkku Fylkagielda almmuhii neahttajienasteami bohtosiid preassakonferánssas mii čájehuvvui neahtas odne diibmu 09.00.

Ovdalaččas ledje báberjienaid bohtosat jo almmuhuvvon vuossárgga. 7 proseantta sis geain lea jienastanriekti jienastedje báberjienaiguin.

Oktan neahttajienaiguin lei boađus ahte 87 proseantta jienastedje vuostá fylkkaidovttastahttima. 

– Dát lea čielga diehtu finnmárkulaččain ráđđehussii, logai fylkkasátnejođiheaddji Ragnhild Vassvik, go ovdanbuvttii bohtosiid.

 

– Eai leat viggan jáhkihit

Birrasii 35 000 olbmo leat jienastan ja dat mearkkaša ahte 58 proseantta dain geain leat jienastanvuoigatvuohta leat searvan válgii. 

14 gielddas Finnmárkku 19 gielddas jienastedje badjel 90 proseantta ovttastahttima vuostá.

– In leat oaidnán Fylkadikki vuostebeali geahččaleame čilget ja viggan jáhkihit finnmárkulaččaide man issoras buorre dat lea ovttastahttit Finnmárkku ja Romssa, lohks Vassvik.

Fylkkasátnejođiheaddji muitala ahte leat nu ollugat jienastan «ii», ahte jus buohkat geat eai jienastan, livčče jienastan «juo» – de livčče loahppaboađus dan dihte šaddan «ii».

Dušše 0,65 proseantta jienastii guoros lihpuin.

 

Dá oainnát mo sámi suohkaniin jienastedje:

 

På forsiden nå