Almmuhus

Almmuhus

Báhččis lieđđu ráhkes­vuohta, čáhce­olmmái ges lea hutkái

Čájáhusgovva

Dát horoskohpa guoská miessemánu 14. beaivvis miessemánu 20. beaivái.

Published date: 
Sotnabeaivi, 13 Miessemánu, 2018 - 11:18
Updated at: 
Ođastuvvon: 14.05.2018 - 15:05
Tags: 
Fáddásánit: 

FIERCA

21/3-19/4

Bargo- dahje skuvla­okta­vuođas leat menddo duođalaš bargoáššiiguin ja darat daiguin vaikke dat livčče galgan leat suohtasin.

Don oahpat ollu muhtin lagaš ovttasbarggus dahje ustitvuođas, doppe vásihat liekkusvuođa ja dat veahkeha ahte dovdagoađát iežat.

Materiálalaš sihkarvuohta lea deháleabbo dutnje muhtin áigge, ja soaitá don bargalat liiggás vai bisuhat dan mii addá oadje­basvuođa ja rámi.  

 

VUOKSÁ

20/4-21/5

Dat beaivváš mii lea du násttis, addá návccaid maid sáhtát geavahit jierpmálaččat, eren­oamážit dutnje geas lea riegádanbeaivi miessemánus.

Dál lea dus válljen­vejolašvuohta, muhtin hástalusa čoavdit dahje njuiket áibbas ođđa áššái, dahje doalahit gitta oahpesvuođas ja vuordit dan mii lea sihkar.

Muhto dalle sáhttá jo leat menddo maŋŋit. Lea maid vejolaš ahte ekonomalaččat buorrána dilli, ja vahkku álggus dieđát mas lea sáhka.

 

JUMEŽAT

21/5-21/6

Ođđa olbmot finadit du ealli­mis ja seamma johtilit jávkkihit.

Don leat rabas ja dat addá luohttevašvuođa ja rahpá sihke ustit­vuođa ja eanet romantihkalaš deaivva­demiid.

Romantihkalaš lihkadusat leat erenoamážit sidjiide geat leat riegádan geassemánu 10. beaivvi, ja máŋggas vásihit ahte gaskavuohta ­buorrána guoibmái, dahje niehkoprinsa fáhkkestaga čoalkala uksii.

 

REABBÁ

22/6-22/7

Jus earáin lea earálágan oaidnu go dus, de vásihat ovttasbarggu lossadin.

Riiddut sáhttet das šaddat, nu ahte čoavdde áššiid buoremus láhkái.

Muhtin vuogas doaibma sáhttá fas šaddat dál áigeguovdilin, soaitá danin go dovddat ahte dasa lea justa dutnje atnu, ja das oainnát hástalusaid ođđa čalmmii­guin.

Dát sáhttá fáhkkestaga geavvat álgo vahkus.

 

LEDJON

23/7-22/8

Leaččat dal barggus vai skuvllas, de ođđa doaimmat ja mihtut giktalit ohcat ođđa geainnuid.

Dan oktavuođas maid ovdalaččas aiddo ­álggahit, gahččet buot áššit sadjái. ­

Dakko bokte sáhttet buori ustibat veahkehit du ovddos guvlui, ja dál lea vuogas áigi ovdánahttit birrasa ja viiddidit ustit­birrasa.

Muhto don johtilit earduduvvot dahje suhttihat ja dainna bilidat dan buorrevuođa man leat huksen.

 

BUHTISNIEIDA

23/8-22/9

Juohkebeaivválaš eallimis leat mášoheapme, ja leat eanet garppas go muđui, dahje geavahat návccaid áibbas boastut.

Danin lea luvrris ahte it váldde dárbbašmeahttun liibbaid.

Dál dovddat boahtimin alccet ođđa fuomášumiid, ja dat rahpet ahte oainnát dili earálágan vugiin ja dat ­botke daid boares dábiid.  

Don sáhtát gal maid leat eahpádusas ja danin it dohkket dan go leat jo mearridan oaivila.

 

VIEHKAT

23/9-22/10

Iešláganvuohta sáhttá šad­dat caggin ja heađušta boahtteáigge oktavuođaid, nu ahte vehá utnolašvuohta ii daga maidige.

Jus leat vehá eahpádusas dahje heajosmielas ruovttus dahje bearraša gaskkas, de lea buoret dan doalahit iežat siste, vai dat bahá jurdagat eai njoamo earáide.

Earát sáhttet dus ráđi dahje veahki jearrat, ja dan bokte attát sidjiide dan smávva ilu argabeaivvis.

 

SKORPIUVDNA

23/10-21/11

Don leat viššal ovttastallat earáiguin ja doppe deaivvadat maid ođđa olbmuiguin, muhto dađi bahábut sáhtát oažžut gilvovuoiŋŋa daid olbmuide geaiguin galggašit ovttas­bargat.

Dus lea dál dárbu rábmojuvvot ja oalgái njávkkastuvvot, muhto iežas rápmi háisu. 

Dál leat eanet gitta das mo dábiid ja juohkebeaivválaš eallima hálddašit, ja vásihat ahte earáid vuordámušat heađuštit du dahkamis áššiid ođđa vuohkái.

 

BÁHČČI

22/11-21/12

Romantihkka fas lieđđu­goahtá, erenoamážit sis geat leat riegádan birrasii juovla­mánu 12. beaivvi.

Oahpásnuvat ođđa olbmuiguin ja guimmiin šaddá eanet ráfálaš gaskavuohta.

Ruhtadiliin lea vehá rahčamuš, sáhttá buoret soahpat muhtin gáibádusa ovdal go riidalit dainna.

Buot rutiidnabarggut orrot giksin dál, muhto buoret lea liikká daiguin geargat.

 

BÁKTEBOHKKÁ

22/12-19/1

Dutnje lea dehálaš máŋgga sajis fáktet mo gii bargá, muhto ale vajálduhte ahte doppe leat máŋgasat geat dan eai liiko.

Hutkái­vuohta ja eallinmokta lea dál áigeguovdi­lis, ja buori oktavuođas luoitilat ge olggiid.

Romantihkka maid libarda, ja dovddut sáhttet cahkiidit, ja oahpásnuvat muhtimiin geas it leat ovdal beroštan.

Ruđain galggat várrugas menddo johtilis mearrádusaid dahkat ja smiehtastit vuđoleabbun.

 

ČÁHCEOLMMÁI

20/1-18/2

Muhtin boares ášši fas ­sáhttá šaddat áigeguovdilin ruovttus, ja soaitá dii oaidnibehtet dan ođđa čalmmiiguin.

Vuordde liikká ovdal go maidege mearridat.

Don leat hutkái ja dukkoraddalas, dan seammás go dus lea nana dáhttu ja leat maiddái vehá vuovd­nái ja njuolggočoalat.

Dát  sáhttá leat buorre romantihkkii ja ovttastallamii, muhto lea dehálaš ahte dohkkehit earáid vugiid.

 

GUOLIT

19/2-20/3

Ruovttus lea ráfálaš dovdu ja doppe lea maid doarjja, ja dál lea vuogas áigi loahpahit daid vejolaš riidduid.

Muhtin buorre doaibma orru dovdomin bággun jus it bargga nu mo galggat, dahje dovddat gáibádusaid nu stuorisin ahte dat čuhcet iešoaivvá­lašvuhtii.

Máŋga iešguđetlágan barggu gáikot du juohke guvlui, muhto doalat fal das maid leat juo mearridan.

 

På forsiden nå