Almmuhus

Almmuhus

Partapuoli lea Plan Norge ođđa generálačálli

Kari Helene Partapuoli lea ovdal leamas Antirasisttalaš guovddáža beaivválaš jođiheaddji. Dál álgá Plan International Norge generálačállin. Govva: Utviklingsfondet

Plan International Norge stivra lea virgádan Kari Helene Partapuoli generálačállin borgemánu rájes.

Published date: 
Bearjadat, 6 Cuoŋománu, 2018 - 10:47
Fáddásánit: 

– Dát lea hirbmat gelddolaš bargu. Plan bargá bures mánáid rivttiid ovddideamis, ja sis lea erenoamáš fokus nieiddažiidda. Illudan searvat bargui eastadit mánáidnáitima ja veahkaválddálašvuođa nieiddažiid vuostá. Mun lean álo áŋgiruššan veahkehit servodaga heajumusaid, ja illudan ovddidit Plan viidáseappot, lohká Partapuoli Plan preassadieđáhusas.

Son lea 46 jagi boaris, ja lea Utviklingsfondet jođiheaddjin leamaš vihtta maŋemuš jagi. 

 

– Guhkes hárjáneapmi

Son lea oahppan sosiálaantropologa Romssa universitehtas. Son lea maid leamaš Antirasisttalaš guovddáža beaivválaš jođiheaddji.

– Kari Helene Partapuolis lea guhkes hárjáneapmi jođiheaddjebargguin, eaktodáhtolaš sektoris ja organisašuvdnaeallimis. Stivrras leat hui ilus go son lea vuostá váldán virgefálaldaga, lohká Plan International Norge stivrajođiheaddji, Jan Erik Korssjøen.

På forsiden nå