Almmuhus

Almmuhus

Guolástan­fanas vuojui

Čájáhusgovva. Bearjadat eahket vuojui guolástanfanas Kinnaroddenis Finnmárkkus. Fanas govas ii gula áššái. Govva: Ovlla Gaup, Ávvir vuorkágovva.

Bearjadat eahket vuojui guolástanfanas Kinnaroddenis Finnmárkkus. Albmáin, gii lei fatnasis, manai bures, dán čállá NTB.

Published date: 
Lávvardat, 14 Cuoŋománu, 2018 - 10:05
Updated at: 
Ođastuvvon: 16.04.2018 - 10:43
Fáddásánit: 

Davvi Norgga Váldogádjunguovddážis ožžo dieđu bearjadat eahket diibmu 20.14 ahte muhtin smávvaguollebivdofanas lei heađis Kinnaroddenis, dat guovlu lea davimušas norgga ja eurohpá nannámis.

– Mii oaččuimet dieđu ahte dál lea fanas vuodjumin, dadjá Davvi Norgga Váldogádjunguovddáža gádjunjođiheaddji Frode Iversen.

 

Vižžui johtilit

Váldogádjunguovddáš jumahii heađi, ja máŋga fatnasa mat ledje das lahkosis manne veahkkin.

Go vuosttas fanas joavddai albmá lusa, sullii 20 minuhta maŋŋel, lei almmái jo mearas ja vižžui johtilit bajás.

– Almmái ii leat roasmmohuvvan moktige ja lea buori vuoimmis, dadjá Iversen.

Sivva fanasvuodjumii ii leat vel čielggas. Dálki dán guovllus dieđihuvvo leat buorre, čállá NTB.

På forsiden nå