Almmuhus

Almmuhus

– Fertejit gulahallat vai SGP:s lea njuolggo­sátta

Dán jagi Sámi Grand Prixa geahččit. Govven: Sárá Máret Rávdná Oskal

Sámi Komponisttaid Searvi ávžžuha NRK ja Sámi Musihkkafestivála dál gulahallagoahtit vai sáhttet sáddet Sámi Grand Prix njuolggosáddaga bokte.

Published date: 
Lávvardat, 7 Cuoŋománu, 2018 - 11:11
Updated at: 
Ođastuvvon: 09.04.2018 - 10:49
Fáddásánit: 

Sámi Komponisttaid Searvi  evttoha ahte NRK ja Sámi Musihkkafestivála Vuođđudus Guovdageainnus gulahallagohtet álggahit fas árbevirolaš njuolggosáddaga Sámi Grand Prixas 2019 rájes, áinnas ovttasráđiid SR:in ja YLE:in dahje báikkálaš ovttasbargoguimmiiguin.

 

Dárbu lágidit sáddaga

Sámi Komponisttaid Searvilohká dehálažžan ahte dákkár sáddemii juolluduvvojit doarvái olu resurssat vai dáiddalaš ovdanbuktin sáhttá gaskkustuvvot heivvolaš vugiin, leažžá dal rádio, TV dahje neahta bokte.

Dat ahte ovttaskas geahččit sáddejit guhkit dahje oanehit filmmažiid mátketelefovnnain lágideamis ja olahit duháhiid gehččiid, čájeha čielgasit ahte lea dárbu lágidit profešunealla sáddaga Sámi Grand Prixas.

 

NRK geatnegasvuohta

– Sámi Grand Prix lea okta sámi musihka deháleamos lávddiin, ja dat lea mielde ovddideame sihke sámi komponisttaid, juoigan- ja lávluntaleanttaid. Danne berre leat NRK geatnegasvuohta gaskkustit dán, dieđiha Sámi Komponisttaid Searvi preassadieđáhusa bokte.

På forsiden nå