Almmuhus

Almmuhus

Báhčči ferte muitit earáid guldalit, buhtisnieida ges lea sáhkkit go muđuid

Čájáhusgovva

Dán vahku horoskohpa guoská cuoŋománu 16. – 22. beivviid.

Published date: 
Sotnabeaivi, 15 Cuoŋománu, 2018 - 09:15
Tags: 
Fáddásánit: 

FIERCA

21/3-19/4

Dál oaččut johtilit oktavuođa olbmuiguin, ja dan seammás oaivvildat juoga sin birra ja dubmet dan vuođul.

Ruhtadilli ja doaimmat mat gullet dutnje leat guovddážis dus vahku loahpas.

Das don oainnát investerenvejolašvuođaid, muhto sáhtát maid háhkat alccet juoga mii orru addimin dutnje stáhtusa.

Barggu dahje skuvlla oktavuođas leat menddo vuovdnái ja danin hárddát muhtima iežat ala. 

 

VUOKSÁ

20/4-21/5

Dál fas boahtá beaivváš dán nástái, don vásihat ođđa álggu, erenoamážit guoská dat dutnje gii leat riegádan cuoŋománus.

Vaikke áššit ain gevvet čihkosis, de vásihat dilli čuvggoda ja oainnát dan eará vuoiŋŋain.

Don maid ovdánat sosiálalaččat ja ozat oktavuođa earáiguin.

Dan mearkkašit maid du birrasis, go don čuovgagoađát movttain, ja ráhkesvuohta maid sáhttá badjánišgoahtit dainna.

 

JUMEŽAT

21/5-21/6

Intiima oasis lea hástalus go nubbi ii dovddas visot, dahje čájeha áibbas eará beliid alcces.

Gaskavuođas lea dehálaš čájehit luohttevašvuođa nubbái.

Don sáhtát leat loavskkas ja lea dárbu okto náđđát.

Dál lea vuogas áigi mediteret ja smiehtadit dáhpáhusaid birra mat leat leamaš.

Muhtin ustitvuohta ovdána suollemasat ja ustitbiras ii leat dan fuobmán ge.

 

REABBÁ

22/6-22/7

Dál fertet duođaleappot geahččat sihke iežat ja earáid go muđui lávet, ja it ge dohkkehit earáid čuoggumiid.

Dán láhkái sáhttet riiddut badjánit, ja guhkit áigge vuollái lea buorre ahte it darván buot duššiide.

Jus muđui balat riidduide seaguhuvvot, de illut dál, go dál lea dus doarrunmokta ja leat duostileappot, dan sáhtát ávkin atnit alccet dohkálašvuođa čájehit.

Don leat hutkái ja ustitbirrasis oaččut vuorddekeahtes rámi.

 

LEDJON

23/7-22/8

Don oainnát dál áššiid stuorrát ja vajálduhtát daid smávva detáljjaid ja bargguid árgabeaivvis.

Gal uhca balvvaš ge nagoda beaivváža čiehkat, nu ahte gearggat daid geatnegasvuođaid vai beasat plánegoahtit eará.

Don válddát ovddasvástádusa ja lea maiddái vuoibmi stivret jus dat dárbbašuvvo.

Soaitá leat dárbu čájehit ahte máhtát ovddasvástádusa váldit ja birget ieš, ja ahte leat dan mađe ollesolmmoš ahte nagodat hálddašit daid bargguid.

 

BUHTISNIEIDA

23/8-22/9

Dus lea dál dárbu rájáid botket, muhto dan dahkat gulul ja albma láhkái, muhtin mátki maid sáhttá šaddat.

Muhto dat návccat orrot dovdomin leat stuorábut go oba leatge, ja dan dihtii válddát badjelasat eanet go nagodat hálddašit.

Dál lea vuogas áigi ovdánahttit iežat ođđa sajiide.

Soaitá don leat eanet sáhkkii dál go muđui, mii maid dagaha ahte viiddidat fieskki lagaš birrasis.

 

VIEHKAT

23/9-22/10

Ruovttus dahje bearraša gaskavuođas givssida dat ollu bargu, dahje dat go buohkat eai gille oasálastit.

Lea buoret juo njuolgga dadjat ovdal go dainna suhttat ja muoškát.

Don gáddet ahte doai leidde gummiin dahje ustibiin ovttaoaivilis, muhto dat lea boastut áddejuvvon, ja dan sáhttá ođđasit digaštallat.

Gulahallan manná álkit, erenoamážit ođđa oahpásnuvvamiiguin, muhto das ii čiekŋuduvvo gulahallan iige dat leat geatnegahtton.

 

SKORPIUVDNA

23/10-21/11

Dán vahkku álggahat ovttastallamiin ja álkit oahpásnuvat earáiguin, ja muhtin ođđa oahpásnuvvan maid sáhttá šaddat.

Jus leat oktonas, de lea vejolašvuohta dál deaivvadit suinna geasa liikostat, ja sis geas eai leat fas nu buori gaskavuođat sáhttá gaskavuohta fas cahkiidit ja buorránit.

Lagaš birrasis álkit suhtihat ja suhtadat duššiid, loga logi rádjái jus orru miella ovttage čavget.

 

BÁHČČI

22/11-21/12

Ruhtadili fertet dál duođaleappot geahččat go muđui, ja dasa lea maid sivva.

Vaikke dovddat iežat hárdojuvvon, de fertet gal smiehttat bures ovdal go barggat maidige mii sáhttá čuohcat dutnje.

Vahkku álgu lea sihke hutkkálaš ja somá, sáhttá leat joatkka vahkkoloahpa romantihkalaš vásáhusain.

Don leat čeahppi iežat ovddas hállat, muhto ale vajálduhte earáid guldalit.

 

BÁKTEBOHKKÁ

22/12-19/1

Dál leat dus ollu fámut, muhto muitte ahte lea dehálaš vuoiŋŋastit maiddái, iige buot nu duođalažžan váldit.

Muđui sáhttá šaddat menddo leaktu vaikko háliidat hiljit vánddardit.

Dál leat maid muđui eanet várrugas go lávet, ja johtilit oainnát beare daid negatiiva beliid.

Jus geahčat áššiid buriid beliiguin ja bijat eanet barggu iežat bargguide, de sáhttá leat dá dat ovdáneapmi go vuođu áiggut hukset boahttevaš suksessii.

 

ČÁHCEOLMMÁI

20/1-18/2

Juoga mainna gáddet leat geargan, dat fas šaddá duohtan.

Dat sáhttá leat muhtin riidu ruhtadilis mii ii leat vel čielgan.

Don dovddat ahte ruovttus sáhtát ođđa návccaid hukset.

Dál maid vuoruhat eallinmihtuid, ja dan sáhtát viežžat iežat ruohttasiin ja doppe gávdnat ráđi guđe geainnu galggat čuovvut.

Dus leat maid plánat ođasmahttit viesu, muhto dat gáibida liigenávccaid.

 

GUOLIT

19/2-20/3

Ruhtadilli ja rumašlaš návccat geavahit áiggi álgovahkus, ja das fuomášuvvojit gáibádusat smiehttat ođđa vugiid.

Sáhtát maid muhtinlágan vuoittu vuoitit.

Don válddát ovddasvástádusa muhtin idealisttalaš barggus dahje šattat ustitbirrasis dat gii jođiha, muhto dan seammás čuovut dušše iežat geainnuid it ge beroš ovttasbarggus, dat sáhttá heađuštit dan doarjaga maid ledjet háliidan earáin.

På forsiden nå