Almmuhus

Almmuhus

Káráš­johkalaš «Miss Norway» finálas 

NORGGA FÁVRRUMUS?: Susanne Næss Guttorm lea beassan «Miss Norway 2018» finálii, ja sáhttá šaddat Norgga fávrrumussan. Priváhta govva. 

Susanne Næss Guttorm lea ollen gitta finálii Miss Norway gilvvus.

Published date: 
Vuossárga, 26 Njukčamánu, 2018 - 14:15
Updated at: 
Ođastuvvon: 27.03.2018 - 12:03
Fáddásánit: 

Álggus ledje badjel čuođi nieidda, geat gilvaledje beassat Norgga fávrrumussan. Dál leat ovccis báhcán gilvui, ja Kárášjoga badjenieida Susanne Næss Guttorm lea okta sis. 

Sotnabeaivvi válljejuvvojedje finalisttat, Rebecca Bjørk Tønsbergas eret, Susanne Næss Guttorm Kárášjogas eret, Madelen Michelsen Bergenis eret, Imen Myren Habes Oslos eret, Ina Kollset Svinndalas eret, Nadia Helena Shabbir Gustavsen Oslos eret, Marte Fredriksen Bådåddjås eret, Helene Abildsnes Kristiansánddas eret, ja Sandra Afriyie Tito Bådådjos eret. 

 

Čoaggán olu čuoggáid

– Vuoi, mus lea nu lihkku ahte lean beassan Miss Norway 2018 finálii. Dat lea mearehis somá, ja lean hui ilus! Mus lea olles bearaš, olbmát ja lagas olbmot mu mielde dán mátkkis. Lean nu ilus go mus ná fiinna olbmot leat birrasis, čállá Næss Guttorm iežas Miss Norway bloggii. 

Finalisttat galget ge čoaggit aktivitehta-čuoggáid, bloggain, medias ja muđui eará aktivitehtaiguin. Čuoggát leat mielde mearrideames geat besset njunnošii.

Kárášjoga nieida lea nagodan čoaggit nubbin eanemus čuoggáid.

 

Finála geasset

Buot finalisttat galget searvat beauty-campii Oslos. Doppe galget hárjehallat finálašovvii. Finála lea suoidnemánu 28. beaivvi, muhto dáhton sáhttá rievdat. Dan rádjái galget nieiddat hárjehallat ja gávdnat alcceseaset fiinna gárvvuid maiguin galget čiŋadit finálabeaivvi. 

Geahččit sáhttet maid váikkuhit gii vuoitá gilvvu, SMS-jienasteami bokte. Dat jienat lasihuvvojit maid aktivitehta-čuoggáide, ja sáhttet ávkin nieiddaide finálas. 

På forsiden nå