Almmuhus

Almmuhus

Hilgo šiehtadusa

VUOSTÁLASTÁ: Helga Pedersen lea okta dain guhte garrasit vuostálastá Romssa ja Finnmárkku ovttastahttima. Dá lea ságastallamin Bargiidbellodaga váldočálliin, Kjersti Stensengain, jahkečoahkkimis mannan vahkkoloahpa. Govven: Vidar Ruud/NTB Scanpix

Finnmárkku Bb gáibida ahte gielddaministtar Monica Mæland sihkkarastá ahte goappašat fylkkat ožžot seamma olu áirasiid lávdegottis mii galgá ráhkkanit stuorrafylkii.

Published date: 
Sotnabeaivi, 4 Njukčamánu, 2018 - 12:00
Updated at: 
Ođastuvvon: 05.03.2018 - 09:15
Fáddásánit: 

Jus Mæland ii sihkkarastte dásseárvvu lávdegottis ja dasa lassin dáhkit ahte galgá leat dássásaš čoavddus fápmo- ja doaibmajuhkosis gaskal Finnmárkku ja Romssa, de ferte Stuorradiggái dieđihit ahte ovttastahttin ii čađahuvvo, daddjo mearrádusas man Finnmárkku Bargiidbellodat dagai stuorra eanetloguin jahkečoahkkimis sotnabeaivvi.

 

Gáibidit bissut válgaguovlun

Finnmárkku Bb gáibida maid ahte Romsa ja Finnmárku bissot sierra válgaguovlun stuorradiggeválggas.

Jahkečoahkkin maid garrasit moaitá ráđđehusa go eai leat ovddidan evttohusaid ođđa bargguide ovdal go ovttastahttinmearrádus dahkkui.

Ovttastahttin orru danin hoahpus dahkkon, čuožžu jahkečoahkkinmearrádusas.

 

Finnmárkku AUF čujuhii dasa ahte ođđa stuorrafylka attášii olu ođđa vejolašvuođaid. Sin árvalus ahte dohkkehit šiehtadusa oaččui dušše doarjaga muhtin oasis AUF sáttaolbmuin ja Álttá sáttagottis.

(©NTB)

På forsiden nå