Almmuhus

Almmuhus

FeFos ain hálddašan­vuoigatvuohta

DUHTAVAŠ ČIELGGADEMIIN: FeFo direktevra Jan Olli lei duhtavaš čielggademiin. Govas Unjárgga gilisearvvi jođiheaddji Gunn-Britt Retter ja FeFo direktevra Jan Olli. Govva: Silje Malene Varsi

Unjárgga gilisearvvi jođiheaddji ii moddján go duopmu almmuhuvvui.

Published date: 
Bearjadat, 9 Njukčamánu, 2018 - 10:28
Updated at: 
Ođastuvvon: 09.03.2018 - 12:08
Fáddásánit: 

Odne, bearjadaga meannudii Alimusriekti geas lea hálddašanvuoigatvuohta Unjárgga nággeguovllus, 400 km2 viiddis guovlu Unjárgga gielddas Finnmárkkus.

Finnmárkkuopmodat (FeFo) stivrra eanetlohku guoddalii duomu Alimusriektái, ja Unjárgga gilisearvi vuoittahalai Alimusrievttis. FeFos lea ain hálddašanvuoigatvuohta.

Unjárgga gilisearvi oaivvilda ahte guovlu lea geavahuvvon ja hálddašuvvon báikki olbmuin badjel čuođi jagi, muhto FeFo oaivvildii ahte sii galget stivret ja hálddašit guovllu, ja guoddaledje duomu Meahcceduopmostuolus.

På forsiden nå