Almmuhus

Almmuhus

Viehkat lea rabas ja duostil, čáhce­olmmái ges ii nagot olla­šuhttit buot

Čájáhusgovva

Dán vahkku horoskohpa guoská njukčamánu 19. –  25. beaivái.

Published date: 
Sotnabeaivi, 18 Njukčamánu, 2018 - 11:53
Tags: 
Fáddásánit: 

FIERCA

21/3-19/4

Dál lea vuot beaivváš ruovtto­luotta dán násttis, ja dál geahččagoađát ovddosguovlluid ja govččastat daid boares áššiid.

Dán áigodagas lea dus nana bargomokta ja leat doaimmalaš ja barggastat vel liiggás.

Dát guoská erenoamážit sidjiide geain lea riegádanbeaivi njukčamánus ja sis leat maid ollu ovttastallamat vuordimasas.

Muhto ale fal leat menddo doaimmalaš ja sosiála ahte it astta šat earáid guldalit, go don dárbbašat doarjaga iežat ­bargguide.

 

VUOKSÁ

20/4-21/5

Dus lea doarjja dál lagaš ustibiiguin dahje guoimmis, ja dál lea vuogas áigi hukset buori oktavuođaid ja ustitvuođaid.

Muhto don sáhtát leat menddo ceaggái eallinoainnu ja politihka oktavuođas.

Muhtin bággejuvvon geatnegasvuohta dahje juoga masa dovddat ovddasvástádusa, sáhttá fas guivásit, daiguin fertet dál geargat.

Soaitá dainna fertet earáláhkái dahkat dahje ferte go muhtin eará juohkit duinna dan ovddasvástádusa?

 

JUMEŽAT

21/5-21/6

Dál leat fas arttalaš doaimmahit iežat garraseappot muhtin oktavuođas, dahje válddát badjelasat doaimma muhtin organisašuvnnas masa dus lea jáhkku.

Doppe oaččut rámi ja doarjaga, ja rámiin viimmáskat positiiva guvlui ja barggat eanet go maid nákcet.

Sosiála eallin lea dál deháleabbo dutnje, ja lea maiddái vuogas áigi viiddidit fieskki.

Muhtin vuorddekeahtes deaivvadeapmi lea vuođđudus boahttevaš ustitvuhtii.

 

REABBÁ

22/6-22/7

Dál geahčat áibbas earáláhkái iežat karrieara ja movttiidat ohcat rievdadusaid.

Dat gártá ahte šattat molsut barggu, ja dahje ohcagoađát stuorát hástalusaid doppe gos leat.

Muhtin vejolašvuođa boahtá fáhkkestaga ja vuorddekeahttá, ja dál lea dus dat dárbbašlaš iešdovdu ja autoritehta mii dagaha ahte don ovdánat bargguin.

Muhto don sáhtát menddo iešráđálažžan šaddat ja vajálduhtát earáiguin ovttastallat geat leat du searvvis.

 

LEDJON

23/7-22/8

Persovnnalaš ovdáneapmi sáhttá bisánit go menddo sakka doaimmahat daid bargguid mat dagahit beaivválaš bargguid ovdii.

Dat váikkuha maiddái ahte beroštišgoađát eanet politihkas dahje oskkus, muhto sáhttá maid ahte eahpidat daid árvvuid maid leat válljen.

Soaitá don fertet vuolgit veháš áigái eret vai oainnát dan obbalaš geahčasteami dilis, ja guhkebuš mátki lea maid plánejuvvomin.

 

BUHTISNIEIDA

23/8-22/9

Ruđalaččat lea dus lihkku, ale fal vajálduhte sáddet sisa dan fásta lottokupoŋŋa.

Don leat dádjolas ja duostil, muhto dan seammás leat duođaleabbo go orut leamen vuosttaš geahčasteamis.

Dát guoská maid erotihkkiii, čiekŋalit dovddut ja intimitehta leat dehálaččat dutnje dál, ja oahpásnuvat buorebut suinna gii ovddežis lei jo dutnje dorvvolaš.

 

VIEHKAT

23/9-22/10

Guoimmi gáibádusat gáibidit eanet áicilvuođa.

Doai áddehallabeahtti buorebut dál go muđui ja dál čielggaduvvojit maiddái dat maid ovdal eahppi leat áddehallan.

Dát áddejupmi guoská maid erohtalaš oktavuhtii.

Don leat duostil ja rabas, ja olbmot leat oadjebasat du liekkusvuođa geažil.

Dál lea álkit áddet earáid go muđui ja boahtit ovttaoaivilvuhtii.

 

SKORPIUVDNA

23/10-21/11

Dál leat optimista ja hágat alccet badjelmeare bargguid, muhto de muittuhuvvot ahte it galgga rupmaša ja dearvvašvuođa loaktit.

Dat lea muittuhus dutnje ahte fertet stuorát oktavuođas dearvvašvuođa dikšut, molssaeavttut leat nu mo yoga dahje tai chi.

Don leat snáhppill dajaldagaiguin, ja sáhtát fihttejuvvot roavvásabbon go ba oaivvildat ge, nu ahte smiehtas ovdal go earáide attát gullat.

 

BÁHČČI

22/11-21/12

Jus leat viššal dáidagiin, de leat čeahppi smiehttat ođđa vugiid ja mo daid ovdanbuktit.

Dál leat hutkái ja okta nubbi fuomášupmi bohciida.

Vahkku álgá lunddolaš autoritehtain ja iešdovdu badjána, ja dál dovddat iežat lunddolažžan guovddážis.

Muhto fertet maid gierdat jus earát maid áigot hoigadit njuni ovddas ja návddašit dan dili.  

 

BÁKTEBOHKKÁ

22/12-19/1

Dus válgana vaikke mii jus doalahat gitta daid mihtuid maid leat bidjan.

Don leat snáhppill reageret, erenoamážit jus dovddat dulbmojuvvon, it ge dohkket hoigojuvvomis eret, jus oaivvildat ahte láhka čuollá du beale.

Danin leage dál vuogas hástalusaid čoavdit gos ovdal leat geassádan eret.

Ruoktu dahje bearaš dárbbaša dál buot doarjaga dus go muhtin boares ášši fas guivása.

 

ČÁHCEOLMMÁI

20/1-18/2

Don livžžut dál juohke sajis, ja nu máŋga ášši jorret oaivvis, ja danin eai ollašuva buot.

Jus áiggut garvit huša de fertet dainna vuos bargat maid eanemusat háliidat, ja dárkilastit cealkit eret daid bargguid mat eai leat plánejuvvon.

Don leat sáhkkii ja mášoheapme ja leat rievdadusaid ja ođđa vásáhusaid ozus.

Álgovahkus boahtá vejolašvuohta vuolgit muhtin oanehut mátkái.

 

GUOLIT

19/2-20/3

Ruđalaččat lea lihkku dus dál, muhto fertet vuos njulget ovddeš boasttuvuođaid.

Dat guoská muhtin šiehtadussii man fertet heaittihit dahje ođđasit šiehtadusa dahkat.

Das lea vejolašvuohta jus leat rabas ođđa jurdagiidda.

Ođđa ustitbiras rahpasa, dahje ovttastallagoađát ođđa birrasis.

Dát guoská dasa go ollu geavvá ruđalaš diliin.

På forsiden nå