Almmuhus

Almmuhus

Julevsámegiella šaddá geatnegahtton giellan skuvllas

Johkamohki skuvllas šaddá julevsámegiella báhkkolaš fágan gaskadásis. Dan mearridii gielddastivra ikte. Čájáhusgovva: Frank May / NTB scanpix

Johkamohki gielddastivrra eanetlohku lea mearridan ahte buot báikki gaskadási oahppit galget oahppat julevsámegiela skuvllas.

Published date: 
Maŋŋebárga, 13 Guovvamánu, 2018 - 14:01
Fáddásánit: 

Ievttá gielddastivračoahkkimis mearridedje Johkamohki politihkkárat ahte buot skuvlamánát galget oahppat julevsámegiela 4. – 6. luohkás.

Lei Framtid i Jokkmokk bellodat mii evttohii geatnegahttit julevsámegieloahpahusa.

 

Gurutbellodat jorgalii

Posišuvdnabellodat Socialdemokrater oaivvilda ahte galggašii eaktodáhtolaš oahppat sámegiela, ja jienastii evttohusa vuostá.

Dattetge mearriduvvui ahte gaskadásis šaddá julevsámegiella geatnegahtton skuvlafágan oainnat go Gurutbellodat doarjjui evttohusa.

Gurutbellodat láve muđui doarjut gielddastivrra eanetlogu, dieđiha NSD.

 

Illubeaivi

Framtid i Jokkmokk bellodat evttohii geatnegahttit julevsámegiela skuvlafágan álbmotevttohusa vuođul mii celkui 2006:s.

Dál lea Gun Aira ja Maj-Doris Rimpi sávaldat ollašuvvan.

– Dá lea illubeaivi, justa dego Sámi álbmotbeaivi. Julevsámit leat guhká bargan dán nammii, dadjá ilolaš Aira SR Sámeradioi.

På forsiden nå