Almmuhus

Almmuhus

Čiežas dušše johtolagas

Oktiibuot čieža biilavuoddji dušše johtolagas ođđajagemánus, golmmas jápme Davvi-Norgga geainnuid alde. Čájáhusgovva: Foto: Håkon Mosvold Larsen / SCANPIX

Ođđajagemánus dušše čieža olbmo johtolatlihkohisvuođain, masá bealli jápminlihkohisvuođain dáhpáhuvve Davvi-Norggas.

Published date: 
Duorastat, 1 Guovvamánu, 2018 - 12:42
Fáddásánit: 

Dássážii dán jagi leat čieža biilavuoddji duššan Norgga johtolagas, okta dain lea nissonolmmoš.

Viđas dušše go biila mainna vudje beaškkehii oktii nuppi vuodjinfievrruin, eará lihkohisvuođain eai lean eará vuodjinfievrrut seaguhuvvon.

– Ii okta ge galggaše jápmit johtolagas, ja danin fertet eastadit jápminlihkohisvuođaid. Dán jagi galggašedje jápminlihkohisvuođat vel unnit go ovdal, dadjá Trygg Trafikk direktevra Jan Johansen.

 

Masá bealli Davvi-Norggas

Masá bealli jápminlihkohisvuođain mat dáhpáhuvve mannan mánus deaividedje Davvi-Norggas.

Romssa fylkkas duššai okta biilavuoddji, ja Nordlánddas guokte.

Diibmá dán muttos áigge lei okta uhcit jápminlihkohisvuohta go dál, muhto dattetge leat jápminlihkohisvuođat njiedjan maŋimuš vihtta jagi.

Ođđajagemánus jápmet gaskamearálaččat logi olbmo johtolagas.

På forsiden nå