Vaikke ođđa politiijareforpmas leamaš stuora váikkuhusat Nordlándda politiijaguvlui, de dovdet goit olbmot oadjebasvuođa ja sis lea luohttevašvuohta politiijaide. Čájáhusgovva: Kyrre Lien/NTB Scanpix

Luhttet politiijaide

Nordlándalaččat gullet Norgga eanemus oadjebasamusaid searvái, ja sis lassána luohttevašvuohta politiijaide.

15:34 Ođđajagimánu 12. beaivi 2018

Ođđa politiijareforpma geažil časke oktii máŋga politiijaguovllu Nordlánddas guovtti jagi áigi.

Dás eai leamaš heajos váikkuhusat olbmuid luohttevašvuhtii.

 

Politiijadirektoráhta 2017 ássiidguorahallan oainnat čájeha ahte nordlándalaččain buorrána luohttevašvuohta politiijaide.

– Guorahallan čájeha ahte luohttevašvuohta lassána politiijaide ja ahte nordlándalaččat gullet Norgga eanemus oadjebas olbmuid searvái. Lean hirbmat ilus go Nordlándda politiijaguovllu bargit dahket ná buori barggu, vaikke čađahat ođasmahttimiid, dadjá várrepolitiijameasttir Heidi Kløkstad preassadieđáhusas.

Fáddásánit
Ođđasat

På forsiden nå