Almmuhus

Almmuhus

Gáibiduvvojit lassi mánáidgárde­oahpaheddjiid mánáid­gárddiide

Čájáhusgovva: Astrid Helander

Borgemánu 1. beaivvi gáibiduvvojit eanet oahppan olbmot mánáidgárddiide. 

Published date: 
Vuossárga, 15 Ođđajagimánu, 2018 - 15:35
Fáddásánit: 

Ráđđehus lea mearridan ahte galgá unnimusat okta pedagogalaš jođiheaddji juohke čihččet máná nammii ossodagain gos mánát leat vuollel golbma jahkásaččat.

Stuorra mánáid ossodagain fas galgá unnimusat okta pedagogalaš jođiheaddji juohke 14 máná nammii.

– Lea dehálaš ahte mánáidgárddiin leat eanet mánáidgárdeoahpaheaddjit. Sin fágalaš duogáš lea vuođđun buriid mánáidgárddiide, sii dat oahpahit mánáid stoahkat, ovdánahttit iežaset ja loaktit mánáidgárddis, lohká máhttoministtar Torbjørn Røe Isaksen preassadieđáhusas.

 

Gáibiduvvo oahppu

Dássážii leamaš juohke mánáidgárdeoahpaheaddjis ovddasvástádus ovcci mánnái smávvamánáidossodagain ja stuorramánáidossodagain fas leamaš pedagogalaš jođiheaddjis ovddasvástádus 18 mánnái.

Ráđđehus lea ovttas Risttalaš álbmotbellodagain ja Gurutbellodagain mearridan dán jagi juolludit badjel 424 miljovnna ruvnnu rekrutteren dihtii eanet mánáidgárdeoahpaheddjiid.

Diibmá juolluduvvui mánáidgárddiide 172 miljovnna ruvnnu rekrutterendoaimmaide.

– Badjel 43 proseantta mánáidgárdebargiin ferte oahppu ráđđehusa ođđa gáibádusaid vuođul. Dát lohku galgá vel badjelii áiggi mielde, lohká Røe Isaksen.

På forsiden nå