Almmuhus

Almmuhus

Fálle­johkalaš gearggus Pyeongchangii

OAIDNIT SU FARGGA TV:s: Dát olmmai, Finn Hågen Krogh, lea okta sis gii beassá vuolgit ovddastit Norgga Olympiálaš gilvvuin Pyeongchangas boahtte mánu. Govven: Terje Pedersen/NTB Scanpix

Mánnodaga čielggai ahte fállejohkalaš lea doarvai buori vuoimmis beassat searvat OG:i.

Published date: 
Maŋŋebárga, 16 Ođđajagimánu, 2018 - 11:26
Fáddásánit: 

Mánnodaga čielggai ahte fállejohkalaš Finn Hågen Krogh galgá searvat Olympiálaš gilvvuide Pyeongchangas boahtte mánu.

Dat seamma diehtu lei Niklas Dyrhaugii ja Didrik Tønsethii maid.

ČUOIGIT OG 2018

Nissonat:

Marit Bjørgen (Rognes), Maiken Caspersen Falla (Gjerdrum), Ragnhild Haga (Åsen), Astrid Uhrenholdt Jacobsen (Heming), Heidi Weng (BUL), Ingvild Flugstad Østberg (Gjøvik), Kathrine Rolsted Harsem (Varden Meråker).

 

Dievddut:

Hans Christer Holund (Lyn), Johannes Høsflot Klæbo (Byåsen), Simen Hegstad Krüger (Lyn), Martin Johnsrud Sundby (Røa), Niklas Dyrhaug (Tydal), Finn Hågen Krogh (Tverrelvdalen), Didrik Tønseth (Byåsen).

Ovdalaččas leat juo Hans Christer Holund, Johannes Høsflot Klæbo, Simen Hegstad Krüger ja Martin Johnsrud Sundby ožžon dan dieđu ahte galget ráhkkanišgoahtit vuolgit Mátta-Koreai guovvamánu.

 

Riikajoavkohoavda duhtavaš

Riikajoavkohoavda Vidar Løfshus lea duhtavaš Kroghain maŋŋel lávvordaga Norggameašttirčuoigamiid.

Løfshus ii čiegat ahte Krogha olahusat dán dálvvi leat mohkkasaddan.

– Finn Hågen gal ii leat eanemus áigeguovdil klassihkalaš sprintii, muhto son lea okta máŋgasis gii árvvoštallo joavkosprintii. Johannes Høsflot Klæbo lea vissa gearggus dasa maŋŋel dan maid son lea olahan dán dálvvi dán rádjái. Muhto sus galgá olmmái, ja dat ii leat vel mearriduvvon, dadjá Løfshus Altapostenii.

På forsiden nå