Čájáhusgovva: Elise Amendola / AP / NTB scanpix

Facebook vuoruhiš­goahtá dábálaš olbmáid

Facebook rievdada dál maid oainnát doppe, ja dahket nu vai olbmáid ja bearraša ságat bohtet ovdalii eará dieđuid.

15:34 Ođđajagimánu 12. beaivi 2018

Sosiála media buvttahoavda John Hegeman lea cealkán ahte rievdadus galgá vuoruhit sosiála gulahallama ja oktavuođaid.

Rievdadus mii boahtigoahtá daid vahkkuid, galgá hehttet duššičállosiid, -govaid ja -videoid ihttimis ođasrávdnjái.

– Olbmot áigot unnit áiggi geavahit Facebookas, ja dasa gal leat positiiva, go dat mearkkaša ahte dat áigi maid golahit doppe, šaddá divraseabbon, lohká Hegeman.

 

– Okta dain deháleamos rievdademiin

Ovdamearkka dihtii jus guoibmi almmuha bearašvideo Facebookai, de galgá dat ihttit ovdalii go muhtun beakkálmasa video.

– Min mielas lea olbmuid gulahallan deháleabbo go passiiva geahččan. Dat lea okta dain deháleamos rievdadusain maid leat dahkan, joatká buvttahoavda.

 

Duođašta

Fitnodaga álggaheaddji Mark Zuckerberg duođašta ođđasa iežas Facebook siiddus.

– Go dán rievdadusa dahkat, de oainnát unnit oktasaš sisdoalu, ovdamearkka dihtii fitnodagain, buktagiin ja mediain, čállá son.

(©NTB)

Fáddásánit
Ođđasat

På forsiden nå