MUITUN: Čáhcesullos lea heaksábázzi, muitun buohkaide geat gillájedje heaksáproseassain Finnmárkkus. Govva: Heiko Junge / NTB scanpix

Heaksá­boaldimiid digge­referáhtat šaddet girjin

Romssa universitehta dutki almmuha girjji mas leat Finnmárkku heaksáboaldimiid diggereferáhtat. 91 olbmo boldojedje Finnmárkkus.

08:41 Ođđajagimánu 12. beaivi 2018

«Kilder til Trolldomsprosessene i Finnmark» čilge diggeproseassaid mat ledje Finnmárkkus 1600-logus. Liv Helene Willumsen lea Romssa universitehta historjáprofessor.

Son lea jorgalan vuđolaš referáhtaid dálá dárogillii.

135 olbmo sivahallojedje noaiddástallamis, dan áiggi ledje 3 000 olbmo Finnmárkkus.

 

 – Ain dáhpáhuvvá 

Erenoamážit Norgga nissonolbmot gillájedje dán proseassas, ii ge galgan eambbo go ahte muhtun namuhii sin nama go illastuvvojedje.

– Lei systemáhtalaš fápmoboasttugeavaheapmi, man vuolggasadji lei ideologalaš jurddašanmálle. Lea dehálaš muitit man várálaš dat sáhttá. Dákkár proseassat eai leat nohkan, dat ain dáhpáhuvvet máilmmis, lohká son.

Olu riikkain ja kultuvrrain sivahallojit olbmot noaiddástallamis. Das sáhttá liikká stuora váikkuhus go 400 jagi áigi, čuoččuha Willumsen.

 

Álkit lohkat

Son lea maid almmuhan girjji «Trolldomsprosessene i Finnmark. Et kildeskrift». Dan girjjis ledje diggedokumeanttat dološ dárogielas.

– Ođđa girji lea álkit lohkat dábálaš olbmuide, go das lea dálá dárogiella, lohká Willumsen.

(©NTB)

Fáddásánit
Ođđasat

På forsiden nå