Bohccot maid Fávrrosorda merkii šelggoniin 2010:s. Govven: Johan Isak Siri (vuorkágovva)

Šelggon bohccos eastada vuojáhallama

2010 šelggonprošeakta čájehuvvui ahte dainna lihkostuvve eastadit vuojáhallamiid.

11:44 Juovlamánu 10. beaivi 2017
Ođastuvvon: 10.12.2017 - 11:45

Go Oarje-Finnmárkku Fávrrosordda orohat 2010 čađahii šelggonprošeavtta, de orru čájehuvvon ahte dat prošeakta lihkostuvai.

Ávvir čálii dalle ahte sii bidje birrasii 2000 bohccui šelggonbátti čeabehii.

Prošeakta lei ovttasbargu Stáhta geaidnodoaimmahagain, ja sii sáhttet dál muitalit ahte prošeakta orru lihkostuvvan.

Geaidnodoaimmahat muitalit iFinnmark aviisii ahte 31 bohcco vuojáhalle dan dálvvi luottas mii manná Guovdageainnus Geađgejávrái, de lei dušše okta dan 31:s lei dakkar mas šelggon.

 

 

På forsiden nå