GIRJI POASTTA HISTORJJÁS: Girječálli Jan Ove Ekeberg ja njeallje konsearnahoavdda, Tone Wille, Anders Renolen, Ekeberg, Dag Mejdell ja Kaare Frydenberg. Govva: Birger Morken.

Ođđa girji Poastta birra digitála áiggis

Okta dain stuorámus rievdademiin Norgga fitnodathistorjjás lea dál girjin šaddan. Interneahtta buvttii stuora rievdademiid Postii.

17:58 Juovlamánu 06. beaivi 2017
Ođastuvvon: 07.12.2017 - 09:21

Maŋemuš 20 jagis lea Poasta rievdan eambbo go dain ovddit 350 jagiin rievddai. Interneahtta lea vuolggahan rievdadeami, mii ain váikkuha konsearna ovdáneami.

 


HISTORJÁ: Poasta lea dološ ásahus, muhto maŋŋel interneahta lea rievdan stuorrát. Dan birra sáhttá dán girjjis lohkat. Govva: Birger Morken.

Rievddai

– Go OG-dolla cahkkehuvvui Lillehammeris 1994:s, de beasai Norgga álbmot vuohččan gullat interneahta birra. Dat rievdadii Poastta ovdáneami. Poasta digitála áiggis lea oassi Norgga industriija- ja rievdanhistorjjás, man lea veara dokumenteret, lohká konsearnahoavda Posten Norges, Tone Wille preassadieđáhusas.

Dál almmuhuvvo girji «Den store forandringen. Posten i en digital tid». Sámegillii jorgaluvvon šaddá «Stuora rievdadeapmi. Poasta digitála áiggis».

Jan Ove Ekeberg lea čállán girjji, son lea journalista, ja oidnon TV2 kanálas prográmmafuolaheaddjin. Son njuikestii fárrui nu movt oaččui fálaldaga.

 

Rievdadii Norgga

– Poasta čájeha čielgasit movt interneahtta lea min árgabeaivvi rievdadan, ja olles Norgga servodaga. Poastta historjá lea maid Norgga historjá, lohká Ekeberg.

Son lasiha ahte lea ožžon eará gova Poasttas go lea čiekŋudan dan historjjás. Earret eará politihkalaš spealus Poastta rievdademiin.

– Mus, ja earáin maid, lea govva Poasttas mii ii soaitte nu miellagiddevaš. Muhto lea leamaš somá ja miellagiddevaš čállit dán girjji, lohká Ekeberg Poastta preassadieđáhusas.

Fáddásánit
Ođđasat

På forsiden nå