Máŋga muora gahčče go ekstreamadálki «Ylva» bosui, muhto dát muorra Nesna guovddážis gal bisui čuoččat go lei biilii čadnon gitta. Govven: Hans Petter Sørensen / NTB scanpix

Máŋga duháha muora gahčče maŋŋel «Ylva» dálkki

Statskog lea čorgegoahtán Nordlánddas ja Romssas, maŋŋel ekstremadálkki «Ylva». Máŋga duháha muora gahčče maŋŋel dálkki.

15:33 Juovlamánu 12. beaivi 2017

– Lea dehálaš jođánit boahtit johtui bargguin, vai sihkkarastit árvvuid ja jávkadit vejolaš váralaš dilálašvuođaid, nu go muorat mat leat sodjan, muitala Statskog meahccehoavda Monica Grindberg preassadieđáhusas.

 

Stuorámus bilideamit Sálttus ja Romssas

Bilideamit lea juhkojovvon stuorra guovlluide, ja stuorámus bilideamit leat Sálttus ja Romssas.

– Mihtideamit čájehit ahte sáhttá leamaš 5000-7000 kubikkmehter biegga, muitala Grindberg.

 

Máŋga duháha bilideami

Plána lea dahkat eanemus barggu dálvemánuin. Ovddalgihtii lea dovddus ahte leat máŋgačuođi bilideami dieđihuvvon dáhkádusservviide maŋŋel «Ylva». Luoddadoaimmahat lea maiddái dieđihan ahte Hålogalánddašaldi billahuvai riđus.

«Ylva» čuozai Nordlándii ja Romssii loahpageahčen skábmamánu.

Dan rájes lea Norga vásihan ovtta vel ekstremadálkki, «Aina», mii deaivvai Rogalándii ja Hordalándii juovlamánu 7. beaivvi. «Aina» bilideamet ledje unnibut go balle.
(©NTB)

Fáddásánit
Ođđasat

På forsiden nå