Čájáhusgovva: Jon Olav Nesvold / NTB scanpix

Nissonolbmuid ja almmáiolbmuid bálkáerohus joatká

2016:s lei nissonolbmuid gaskamearálaš mánnobálká dušše 86 proseantta almmáiolbmo bálkkás. Erohus lea stuorámus ollesáigiebargiide ja sis geain lea alit oahppu.

14:04 Juovlamánu 06. beaivi 2017

– Sáhttet čilget bálkkáerohusa dainna ahte nissonolbmot válljejit bargat bargguin main dinejit unnit, seammás go almmáiolbmot válljejit bargat alibuš bálkávirggiin, čállá Statistihkalaš guovddášdoaimmahat (SSB) artihkkalis mii almmuhuvvui maŋŋebárgga.

 

Measta golbma proseantta

Bálkábadjáneapmi leamaš stuorit nissonolbmuide go almmáiolbmuide measta olles 2000-logus. Nissonolbmuid oassi almmáiolbmuid bálkkás lea lassánan 83,5 proseanttas 2000:s gitta 86,1 prosentii 2016:s.

Nissonolbmot leat duođas álgán oidnot eambbo allaskuvllain ja universitehtain, ja dál leat eambbo nissonolbmot go almmáiolbmot geat ollašuhttet alit oahpu.

Dát lea dagahan ahte oktasaš bálkáerohus lea unnon. Joavkkus mas lea alit oahppu ii leat bálkáerohus rievdan olu 2000-logus. Sivva lea makkár oahpposuorggi ja maŋŋelaš virggi leat válljen, SSB dieđuid vuođul.

 

Eanas jođiheaddjit almmáiolbmot

Guđas logi jođiheaddjis leat almmáiolbmot, seammás go nissonolbmot áibbas čielgasit dominerejit vuovdin- ja bálvalusivirggiin.

Nissonolbmot leat maiddái eanetlogus akademalaš virggiin, muhto diinejit measta 20 proseantta unnit go almmáiolbmot dan virgejoavkkus.

Olu sivva dasa lea ahte nissonolbmot ja almmáiolbmot dahket iešguđet bargguid iešguđet doaimmain ja surggiin. Bálkáerohusat leat oalle smávvát gielddalaš suorggis ja sullasaš stuorra priváhta sektoris.

(©NTB)

Fáddásánit
Ođđasat
Tags
Bálkkát

På forsiden nå