HADDENJIEDJAN: Virke Dagligvare direktevra Ingvill Størkesen. Govva: Virke Dagligvare preassagovva

Unnán haddegoargŋun biepmuin

Dat ii hirpmahuhte Virke Dagligvare direktevrra, go hattit leat njiedjan maŋemuš guokte mánu.

14:13 Skábmamánu 10. beaivi 2017

Statistihkalaš guovddášdoaimmahaga logut čájehit ahte biepmu ja alkoholakeahtes juhkosiid hattit gorgŋo 0,3 proseantta čakčamánus golggotmánnui. Maŋemuš 12 mánus leat biebmohattit njiedjan 1,2 proseanttain, seammás lea konsumhaddeindeaksa lassánan 1,2 proseanttain. Dan dieđiha Virke Dagligvare preassadieđáhusas.

– Ii hirpmahuhte go lea unnán haddegoargŋun. Hattit leat njiedjan guokte mánu maŋŋálaga, lohká Ingvill Størkesen, Virke Dagligvare direktevra.

 

Gilvu márkanis

Suoidnemánus borgemánnui gahčče biebmohattit 3,4 proseanttain, ja dat lea eambbo go dábálaččat dien muttos jagis. Dasa lassin gahčče vel 0,6 proseantta borgemánus čakčamánnui.

– Danne vurddiimet smávva lassáneami dál, lohká Størkesen.

Liikká leat biebmohattit maŋemuš 12 mánus njiedjan 1,2 proseanttain. Seammás lea konsumhaddeindeaksa lassánan 1,2 proseanttain.

– Lea čielggas ahte lea gilvu biebmogálvomárkanis, loahpaha Størkesen.

Fáddásánit
Ođđasat

På forsiden nå