Čájáhusgovva: AP / David Goldman / NTB scanpix

Turisttat oidne sullii 200 jiekŋa­guovžža

Fanasturisttat Nordismearas Sibir olggobealde besse vásihit juoga hui erenomášvuođa, álggus jáhkke leat stuorra jiekŋabalduid, muhto čájehuvvui leat sullii 200 jiekŋaguovžža.

08:38 Skábmamánu 24. beaivi 2017

Dát dáhpáhus lei čakčamánus. 

– Lei áibbas erenomáš vásáhus. Mii leimmet buohkat hirpmástuvvan, jus galggan leat rehálaš, muitala luonddumeahcceguovllu jođiheaddji Vrangelsullos Alexander Gruzdev, AFP jearahallamii.

 

Boahtán boradit

Jiekŋaguovžžat ledje boahtán borrat ruonáeatnanfállá mii lei govdan gáddái, ja vellededje vuoiŋŋastit go gerge herskostallamin.

– Fális lea hirbmat buorre skeaŋka jiekŋaguovžžaide. Rávis fális deaddá máŋga logeneare tonna, ja lea máŋga mánnui borramuš guovžžaide, muitala Gruzdev.

 

Jiekŋa suddá árat
Dálkkádatnuppástus lea dagahan ahte jiekŋa man alde jiekŋaguovžžat eanemus mátkkoštit, suddá árabut jagis go ovdal. Eallit fertejit danin leat guhkit gáttis.

Dat maid sáhttá dagahit ahte guovžžat dorrot eambbo borramuša dihtii, muitala dutki.

Vrangesullo mearragátti olggobealde, mii gullá dan ruošša regiovdnii Tsjukotkai, lea sadji gos jiekŋaguovža vuoiŋŋasta maŋŋel go jiekŋa suddá álggogeahčen borgemánu.

Jiekŋaguovža vuoiŋŋasta das gitta dassái go fas jiekŋu, nu ahte beassá bivdit njurjuid.

(©NTB)

Fáddásánit
Ođđasat

På forsiden nå