Almmuhus

Almmuhus

Sápmi Art 2018 :
-Ođđa dáidda­stipeanda sámi dáiddariidda

Lea vuosttaš háve go Sápmi Art stipeanda juhkkojuvvo. Stipeandda juohkin dáhpáhuvvá Johkomohkemárkaniin mat leat boahtte jagi guovvamánus.
 Govven: www.sapmiart.com šearbmagovva

Sápmi Art lea ođđa stipeanda mas lea mihttun iešguđet dáiddasurggiid sámi taleanttaid movttiidahttit ain joatkit iežaset dáidagiin, seammás go áigot loktet sin geat juo leat ásahuvvon dáiddárat.

Published date: 
Gaskavahkku, 29 Skábmamánu, 2017 - 15:40
Fáddásánit: 

Team Lapland lea ásahan Sápmi Art, mii lea ođđa stipeanda sámi dáiddáriidda.

Dáiddárat sáhttet dál ohcat stipeandda mii addo golbmasii, oktiibuot lea stipeanda 50 000 SEK sturrosaš.

Stipeandda juohká Team Lapland ovttas stivrrain geat meannudit ohcamiid, dieđihit sii iežaset neahttasiiddus.

 

Golmma dáiddárii stipeanda

Sápmi Art lea ođđa stipeanda mas lea mihttun iešguđet dáiddasurggiid sámi taleanttaid  movttiidahttit ain joatkit iežaset dáidagiin, seammás go áigot loktet sin geat juo leat ásahuvvon dáiddárat.

Mihttu stipeanddain lea loktet sámi kultuvrra oidnosii.

Stipeanda lea 50 000 Ruoŧa ruvnno sturrosaš, dat addo golmmá stipendiáhttii. 25 000, 15 000, ja 10 000 juhkkojuvvo dan golbmasii.

 

Juhkkojuvvo Johkomohkemárkaniin

Lea vuosttaš háve go Sápmi Art stipeanda juhkkojuvvo.

Stipeandda juohkin dáhpáhuvvá Johkomohkemárkaniin mat leat boahtte jagi guovvamánus.

På forsiden nå