Čájáhusgovva: Gorm Kallestad / NTB scanpix

Buolli stohpu giddii eurohpá­geainnu 75 Čáhce­sullos

Stohpu lei buollimin Čáhcesullo guovddážis, ja eurohpágeaidnu 75 njuolgga bálddas giddejuvvui johtolahkii.

13:28 Skábmamánu 27. beaivi 2017
Ođastuvvon: 27.11.2017 - 13:42

Politiija dieđihii Twitteris ahte stohpu lea oalát buollán.

Sii dieđihedje ahte ledje hirbmat olu čuotnamat vistti badjel ja biegga dagahii ahte lei váttis jáddadit dola. Siviilasuodjalus lei sajis veahkeheamen.

– Mii leat árvvoštallamin evakueret dađistaga. Leat olu stobut lahkosis, lagamus dušše 10-12 mehtera eret. Dasa lassin lea olu viessohuksen nuppe bealde Eurohpágeainnu, muitala Finnmárkku politiijaguovllu operašuvdnajođiheaddji Svein Erik Jacobsen VGii.

 

Olmmoš ii lean ruovttus

Jacobsen dieđiha NRK:i ahte ii galgga leamaš oktage ruovttus go stohpu buollái.

– Mii diehtit gos olmmoš gii orru stobus lea. Son leamaš barggus ja mii leat ožžon oktavuođa suinna telefovnna bokte. Son veahkeha jáddadanbarggu dieđuiguin, dieđiha operašuvdnajođiheaddji.

Politiija oaččui dieđu dola birra diibmu 03:55 vuossárgga čuovganeaamis.

Diibmu 06:53 čálii politiija Twitteris ahte eurohpágeaidnu 75 fas lei rahppon.

(©NTB)

På forsiden nå