Čájáhusgovva: Jon Olav Nesvold / NTB scanpix

Bargiid­bellodat háliida 600 miljovnna mánáid­gárddiide

Bargiidbellodat bidjá 600 miljovnna ruvnno alternatiiva bušehttii, sierra mánáidgárdepáhkkii. Bealli ruđas geavahuvvo jorgalit ráđđehusa evttohusa mas háliidit lasihit alimus hatti. 

14:35 Skábmamánu 15. beaivi 2017

Ráđđehusa stáhtabušeahta evttohusas evttohit lasihit alimus hatti mánáidgárddiin 110 ruvnnos mánnui gitta 2 910 ruvnno mánnui ođđajagemánu 1. beaivvi rájes.

– Ráđđehus dahká divrasabbon doalahit mánáid mánáidgárddis. Leat beare riggámusat geain lea ráđđi máksit daid ođđa lasihuvvon mánáidgárdehattiid vearrounnideami dihte. Dat leat váhnemat geat dinejit badjel miljovnna juohkehaš, muitala bargiidbellodaga hállanolmmoš Martin Henriksen.

 

Háliidit eambbo pedagogaid

Bargiidbellodat doarju bálkká ja bálkkašumi rievdama alimus hattis, muhto bidjet sin alternatiiva bušehttii 300 miljovnna váldit eret dan evttohuvvon lassáneami.

Dasa lassin evttoha bellodat geavahit 125 miljovnna oažžut eambbo pedagogaid bargui, go ulbmil lea oažžut 50 proseantta mánáidgárdeoahpaheddjiid mánáidgárddiide.

Dál lea 41 proseantta mánáidgárdeoahpaheddjiin pedagogihkkaoahppu. Reasta 175 miljovnna ruvnnos galget geavahuvvot oažžut eambbo mánáidgárdesajiid.

– Addit eambbo mánáide mánáidgárdesaji ja virgádit eambbo mánáidgárdeoahpaheddjiid  ii ge lasihit hattiid lea dat seamma go addit buori bajásšaddama mánáide, oaivvilda Henriksen.

Bargiidbellodat almmuha sin bušeahttaárvalusa gaskavahkku.

(©NTB)

Fáddásánit
Ođđasat

På forsiden nå