Čájáhusgovva. Govven: Johan Ante Utsi.

Kárášjoga báike­gottis giddejuvvo čáhci

Kárášjoga gielda lea divodeamen čáhcebohcci mii vuolgá Rávdojoga čáhcerusttegis Kárášjoga báikegoddái, ja dan oktavuođas giddejit čázi lávvardaga.

13:43 Golggotmánu 12. beaivi 2017

Lávvardaga čakčamánu 14. beaivvi tii. 21.00:s gitta sotnabeaivái 15. beaivái tii. 07.00 giddejuvvo čáhci, čállá Kárášjoga gielda neahttasiiddustis.

Čáhcegidden guoská buohkaide geat ožžot čázi Rávdojoga čáhcerusttegis.

Gielda ávžžuha juohke diŋgojeaddji ovddalgihtii deavdit čázi lihtiide, vai lea čáhci biebmoráhkadeapmái ja hivssegii.

 

Jus lea ivdni čázis

Jus čázis lea ivdni go luoitigoađát maŋŋá giddema, de divtte čázi golgat gitta čáhci čielgá.

Golggat galbmačázi ja geavat áinnas olgokrána jus lea vejolaš.

Ivdnásaš čáhci ii leat váralaš, muhto ávžžuhat vuordit gitta čázis fas lea dábálaš ivdni ovdal go vilges biktasiid basat.

Fáddásánit
Ođđasat

På forsiden nå