Stáhtaministtar Erna Solberg nammadii bearjadaga golbma ođđa ministara. Dat šattai historjjalažžan, go lea vuosttaš háve go Norggas leat sihke stáhtaministtar, olgoriikaministtar ja ruhtadanministtar nissonolbmot. Govven: Ørn Borgen / NTB scanpix

– Historjjálaš go golbma nissonolbmo leat njunnošis ráđđehusas, lohká Solberg

Stádaministara mielas lea buorre go ráđđehusas leat golbma nissona njunnošis. Ine Eriksen Søreide lea Norgga vuosttaš nisson olgoriikaministtar.

14:51 Golggotmánu 20. beaivi 2017

Stáhtaministtar Erna Solberg lohká ahte lea dehálaš Norgga historjái, go dál lea nammadan Ine Eriksen Søreide ođđa olgoriikaministtarin.

 

Iskame historjjá

Solberg deattuha ahte Søreide lea nammaduvvon dasa go lea hirbmat čeahppi. Seammás ii čiegat ahte lea gába go golbma nissona leat njunnošis.

– Mii leat dál iskame historjjá, leat geahčadan man olu riikkain lea leamaš seamma dilli go mis dál lea. Filippiinnain leat maid leamaš nissonolbmot olgoriikaministtarin, stáhtaministtarin ja ruhtadanministtarin. Liberias lei nu vihtta beaivvi, ja Sveitsas lea maid leamaš, lohká son.

 

Golbma ođđa ministara

Stáhtaministtar lea odne nammadan golbma ođđa ministara.

Finnmárkulaš Frank Bakke-Jensen lea dál suodjalusministtar. Su sadjái eurohpáministtarin boahtá Marit Berger Røsland. Son lea leamaš Olgoriikkadepartemeantta stáhtačállin. (©NTB)

Fáddásánit
Ođđasat

På forsiden nå