Čájáhusgovva: Vidar Ruud / NTB scanpix

Goargŋu ii vel gávdnon maŋŋel gahččanlihkuhisvuođa Lofuohtas

Fargga 30-jahkásaš ii leat vel gávdnon maŋŋel gahččanlihkuhisvuođa Vågakallenis, lulábealde Svolværa Lofuohtas.

10:33 Golggotmánu 20. beaivi 2017

Lei su skibir gii dieđihii lihkuhisvuođa birra duorastateahkedis.

– Oaččuimet dieđu ahte olmmoš lei gahččan ceakko vári vulos go lei goargŋumin, diibmu 21:40. Son ii leat vel gávdnon, ja ohcamat jotkojuvvojit go čuvggoda, muitalii Nordlándda politiijaguovllu operašuvdnajođiheaddji Kai Eriksen NTB:i bearjadaga iđđedis.

 

Guhkás vulos gahččan

Goappaš goargŋut leaba riegádan loahpageahčen 80-logus ja leaba davviriikalaččat. Politiijat eai leat dieđihan oapmahaččaid.

– Son lea guhkás vulos gahččan, muhto mii sávvat dan buoremusa, muitala operašuvdnajođiheaddji.

Gádjunhelikopter vieččai mátkkoštanskihpára diibmu 23:40 duorastateahkedis, ja son ii lean fysalaččat roasmmehuvvan.

Vågakallen lea 943 mehtera allat ja lea Vågan gielddas Lofuohtas, Nordlánddas, oarjjabealde Kabelvåg ja Hennigsvær, Austvågøyas. (©NTB)

Fáddásánit
Ođđasat

På forsiden nå