Veterinearainstituhta Turid Vikøen iská gotti mas soaitá CWD-dávda. Goddi lea báhččon Nordfjellas, dan guovllus gos leat gávdnan dávdda gottiin. Govva: Tore Meek / NTB Scanpix

Fas gávdnan CWD-dávdda elliin

Biebmobearráigeahčču duođašta ahte leat gávdnan guovtti eallis CWD-dávdda.

16:00 Golggotmánu 13. beaivi 2017
Ođastuvvon: 13.10.2017 - 16:03

Veterinearainstituhta iskosat čájehit ahte lea fas gávdnon CWD-dávda guovtti eallis. Nordfjellas lea gottis gávdnon, ja Davvi-Trøndelágas lea ealggas gávdnon.

Oktiibuot leat čieža gottis gávdnan dávdda, golbma diibmá, ja njeallje dán jagi.

Diibmá gávdne maid dávdda guovtti ealggas Selbus, Lulli-Trøndelágas.

 

Sihtet dieđuid

Dál álget Biebmobearráigeahčču, Birasdirektoráhtta, Veterinearainstituhtta ja Norgga luonddudutkan instituhtta (NINA) iskat movt sáhttet čohkket eambbo iskosiid sarvva-elliin dán guovllus.

Sii áigot maid álgit iskat biebmoruigguid ja bohccuid mat njuvvojit.

– Mii gohččut bivdiid ja earáid geat oidnet skihpa ruoigoelliid, dieđihit Biebmobearráigehččui. Eallit main lea dát dávda sáhttet leat váibbahat, ja ballet eambbo olbmos go dábálaččat, lohká Biebmodirektoráhta elliid ja šattuid direktevra Karen Johanne Baalsrud. ©NTB

På forsiden nå