Romssa fylkkadiggi árvala ahte Finnmárkku ja Romssa fylkkaid oktasaš namma galggašii Romssa ja Finnmárkku fylkkasuohkan. Šearbmagovva: Google Maps

Árvalan nama ođđa regiovdnii

Romssa fylkkadiggi lea árvalan nama ođđa fylkii mii ovttastahttá dálá Finnmárkku ja Romssa.

11:18 Golggotmánu 20. beaivi 2017

Ođđa regiovnna namma galggašii Romssa ja Finnmárkku fylkkasuohkan, árvala Romssa fylkkadiggi.

Dušše viđas vuosttaldedje dán árvalusa, čállá Romssa fylka iežaset neahttasiidduin.

Dát árvalus ovdanbuktojuvvo fylkkaid oktasaš fylkkadiggečoahkkimis dán mánu 31. beaivvi.

 

Bissu sámegiela hálddašanguovllus

Romssa fylkkadiggi árvala ahte ođđa regiovnna namma čállo golmma gillii, namalassii dárogillii, kvenagillii ja sámegillii.

Dasa lassin cealká fylkkadiggi ahte ođđa fylkkasuohkan galgá bisuhuvvot sámegiela hálddašanguovlun.

 

Eará nammaevttohusat

Romssa fylkkadikkis ledje eará nammaevttohusat maiddái ođđa regiovdnii:

Finnmárkku ja Romssa fylkkasuohkan

Finnmarken fylkkasuohkan

Finnmárkku fylkkasuohkan

Finnmárku

Davvi-Norga

Davvi

Fáddásánit
Ođđasat

På forsiden nå