Áhkárvuona bajásšaddanguovddáš lea nammaduvvon Dronnet Sonja skuvlabálkka­šupmái. Vuorká/priváhta govva

Vuot árvaluvvon Dronnet Sonja skuvlabálkkašupmái

Finnmárkku fylkkamánni lea dán jagi maid árvalan Áhkkárvuona bajásšaddanguovddáža Dronnet Sonja skuvlabálkkašumi vuoitit.

11:08 Čakčamánu 22. beaivi 2017
Ođastuvvon: 22.09.2017 - 11:09

15 skuvlla leat árvaluvvon oažžut Dronnet Sonja 2017 skuvlabálkkašumi.

Áhkkárvuona bajásšaddanguovddáš lea áidna Finnmárkku skuvla mii lea árvaluvvon vuoitit bálkkašumi.

Áhkkárvuona bajásšaddanguovddáš lea smávva skuvla gos leat máŋga našunalitehta.

Dronnet Sonja skuvlabálkkašumi juhket skuvlii mii erenomáš bures ovddida dásseárvvu ja searvádahttima.

 

Fylkkamánni nammada
Norgga fylkkamánnit nammadit skuvllaid Dronnet Sonja skuvlabálkkašupmái.

Finnmárkku fylkkamánni lea guokte jagi maŋŋálagaid árvalan Áhkkárvuona bajásšaddanguovddáža bálkkašumi vuoitin.

Davvi-Norggas lea vel nubbi skuvla nammaduvvon Dronnet Sonja skuvlabálkkašupmái, Klippermoen nuoraidskuvla Nordlánddas lea evttohuvvon vuoitit bálkkašumi.

Skuvla mii vuoitá oažžu 250 000 ruvdnosaš bálkkašumi ja dáidaga man dronnet lea ráhkadan.

Dronnet Sonja skuvlabálkkašupmi juhkkojuvvo golggotmánu 10. beaivvi.

Fáddásánit
Kultuvra

På forsiden nå