Govven: Josef Isak Utsi

Golmmas váldda­hallan promilla­vuodjimis

Politiijat bissehan golbma biilavuoddji go várohuvvojit vuodján gárrenoaivvis.

09:55 Čakčamánu 24. beaivi 2017
Ođastuvvon: 25.09.2017 - 10:32

Guovdageainnus bissehedje politiijat iđđesija badjelaš 40-jahkásaš biilavuoddji. Dievdoolmmoš fertii bossut alkomehtera, mii čájehii sus promilla. Son fertii vuolgit mielde doaktára lusa válddihit varraiskosa.

Deanu politiijat ožžo dieđu ahte muhtun vuodjá gárrenoaivvis. Politiijat vuoddjájedje báikái ja bissehedje badjelaš 20-jahkásaš dievdoolbmo. Sus válde varraiskosa, ja politiijat ceggejit ášši.

Davvinjárggas bissehedje politiijat badjelaš 20-jahkásaš dievddu mannan ija. Alkomehter čájehii promilla, ja son dolvojuvvui doaktára lusa válddihit varraiskosa.

 

Eará dieđut politiijain:

 

Girkonjárggas fertejedje politiijat bissehit káijabargguid ikte eahkes. Lei beare rigearra mii vuorjjai báikkis ássiid. Girkonjárgga politiijat fertejedje maid gohččut golbma olbmo mannat eret gávpotguovddážis. Okta sis váidojuvvo go fasttit láhttii politiijaid vuostá. Maŋŋelaš bissehedje Girkonjárgga politiijat muhtun priváhta feastta. Hessengas leat politiijat maid duoguštan láserpeanna ja váidán ovtta olbmo dan geažil.

 

Hámmárfeasttas ožžo politiijat dieđu ahte muhtun lea gárvodan kloavdnan ja viggá baldalit olbmuid, ja politiijat háliidit cavgilemiid jus oktage lea oaidnán kloavnna.

 

Álttás leat politiijat ožžon olu dieđuid ahte vuojášit ávvirmeahttumit mohtorfievrruiguin. Politiijat áigot Buorebut bearráigeahččat sin geat vuojašit.

Álttá politiijat bidje badjelaš 30-jahkásaš dievddu arrestii go galgá leat nihttán politiijabálvvá gii lei vávttas. Politiijat ceggejit ášši.

Álttá politiijat fitne maid Saga báikkis bisseheame feastta muhtun priváhta viesus.

 

Čáhcesullos biddjojuvvui badjelaš 40-jahkásaš nissonolmmoš arrestii go lei badjelmeare gárihuvvan.

 

Deanu politiijat ikte eahkes johtolatdárkkisteami Sirpmás. Guhtta vuoddji iskojuvvojedje, ii okta sáhkkohallan.

 

Ávanuoris álggii alárbma čuodjat muhtun fatnasis hámmanis. Politiijat fitne iskame fatnasa, muhto ii lean buollin. Politiijat eai dieđe manne alárbma čuodjagođii.

På forsiden nå