Dán vahkku lea sihke mánáin ja rávisolbmuin vejolaš geahččat Sámi Našunálateáhtera bihtáid oaivegávpogis. Preassagovva

Sámi «teáhter­vahkku» oaive­gávpogis

Odne lea vuosttaščájálmas «Johan Turi» čájálmasas, Oslos «Det Norske Teatret» lávddis. Čájálmas čájehuvvo Oslos vel duorastaga čakčamánu 8. beaivvi ja bearjadaga čakčamánu 9. beaivvi, ovdal go čavgejit davás guvlui čájálmasmátkái.

13:30 Čakčamánu 06. beaivi 2017

Oaivegávpogis ii leat dušše «Johan Turi» bihtás vuosttaščájálmas, bearjadaga galgá mánáidčájálmas «Stállu ja guovssahasa bárdni» vuohččan čájehuvvot Oscarhall šloahtas.

Mánáidčájálmasa ovdanbuktá Mary Sarre, ja čájálmas leage oassin skeaŋkkas Dronnet Sonjai.

Dán oktavuođas besset mánát maiddái geahččat «Hamelna roahttobivdi» čájálmasa ja dan ovdanbuktá Egil Keskitalo.

Lávvordaga čájeha maiddái Sámi Našunálateáhter oasi Áillohačča «Ridn´oaivi ja nieguid oaidni» čájálmasas, neavttárat ja čuojaheaddjit ovdanbuktet maiddái muhtin Áillohačča divttain.

Čájálmas lea Oscarhall šloahtas ja dát čájálmas lea maid oassin Dronnet Sonja 80 jagi skeaŋkkas, čájálmas lea rabas buohkaide.

Fáddásánit
Kultuvra

På forsiden nå