Čájáhusgovva: Thomas Winje Øijord / NTB scanpix

Rádje­gávppašeapmi hirbmosit lassánan maŋemus jagi

Maŋemus jagi leat norgalaččat golahan 14,9 millijárdda ruvnno go gávppašit nuppe beal Norgga ráji, čájehit Statistihkalaš guovddášdoaimmahaga (SSB) logut.

12:04 Čakčamánu 07. beaivi 2017
Ođastuvvon: 07.09.2017 - 12:06

Lassáneapmi lea 1,4 millijárdda ruvnno, mii lea 11 proseantta. SSB logut muitalit maid ahte norgalaččat mátkkoštedje 7,9 milliuvnna geardde ráji rastá gávppašanmátkkiid dihte. SSB lea mihtidan mátkkošteami suoidnemánu rájes diibmá gitta geassemánu rádjái dán jagi.

 

Čuohcá bargosajiide

Suorggi organisašuvdna Virke vuorjašuvvá dan ovddas maid gohčodit hirbmat stuora lassáneami gávppašanmátkkiid ektui.
– Rádjegávppašeamit leat lassánan áiggi mielde. Dát čuohcá daid duháhiid bargosajiide Norggas. Sihke boanddaide, biebmobuvttadeddjiide ja rámbuvrabargiide čuohcá dakkár rádjegávppašeapmi, muitala Virke Dagligvare direktevra Ingvil Størksen.
(©NTB)

På forsiden nå