DEHÁLAŠ FÁDDÁ: Vaikko Álttás eai leat leamaš válgastánddat odne, de leat politihkkárat vástidan jienasteddjiid gažaldagaid nu bures go leat sáhttan. Earret eará NSR vuosttaševttohas Davveguovllus, Silje Karine Muotka. Govven: Inger Marita Bals

– Leat eare­noamážit golbma fáttá maid birra jienas­teaddjit jearahit

Jienasteddjin leat olu jearaldagat politihkkáriidda ovdal mearridit maid jienastit. NSR vuosttaševttohas Davveguovllus, Silje Karine Muotka, lea vásihan oažžut erenoamažit golmma fátta birra gažaldagaid jienasteddjiin.

19:34 Čakčamánu 11. beaivi 2017
Ođastuvvon: 11.09.2017 - 19:40

Dál lea vel maŋemus diibmu beassat jienastit, ja jienasteddjiin leat olu gažaldagat ovdal mearridit maid áigot jienastit. NSR vuosttaševttohas Davveguovllus, Silje Karine Muotka, lea vástidan sidjiide nu bures go lea sáhttán.

 

 

Stuora beroštupmi

Silje Karine muitala ahte hui olu olbmot leat leamaš, ja bohtet ain jearahit feara makkár gažaldagaid NSR válgaprográmma ektui. Dat movttidáhtta, dadjá son.

– Lean vásihan ahte hui olu, sihke oahpes ja amas, nuorra ja rávisolbmot, bohtet min ságain. Sis leat olu gažaldagat, muhto leat erenoamažit golbma fáttá mat leat áŋgiruššan olbmuid. Nussir ášši, dearvvašvuođa dilli sámis ja nuoraid psyhkalalaš dearvvašvuohta leat dehálaš fáttát jienasteddjiide, dadjá son.

 

 

Psyhkalaš dearvvašvuohta lea dehálaš fáddá

Olu nuorat leat jearaldagat psyhkalaš dearvvašvuođa birra, ja movt politihkkárat áigot veahkhit nuoraid. Dan Silje Karine ipmirda hui bures, ja geahčča dán fáttá dehálaččan.

– In imaš, ipmirdan hui bures ahte nuorain lea dát gažaldat. Dat lea dehálaš fáddá, ja mu mielas lea hui buorre go dustet dan boahtit jearrat ja hupmat dan fáttá birra, dadjá son.

– Mii vuoruhit nuoraid, lasiha son.

Fáddásánit
Válggat 2017

På forsiden nå